開頭睇KnW已經覺得個feel幾啱我地，見到啲相都唔錯～ 最主要係覺得佢地啲行程幾彈性！因為我地之前都問咗好幾間，都話可能只係影一日或者幾個鐘，而我問KnW可唔可以影兩日，佢地就話ok，就到我嘅期望。

服務態度都ok，影之前都會問清楚你想影啲咩嘢，同埋有無心目中想去影嘅地方。攝影當日攝影師同化妝師都好好，其他嘅pre-wedding公司可能租車等等都要加錢，但係呢度就一個package包哂，無額外收費～！我諗如果個旅程當中又要收錢嘅話就會幾麻煩下。影之前佢地仲喺東京買咗鮮花球去影相，又係唔洗額外收錢！自己本身唔係好識影相，又係第一次影pre-wedding，所以都唔知可以點，不過佢地就好好咁幫我地影幾張先，然後就話到比我地知大概係點樣影。 平時自己化妝都可能會出下油，但係佢地幫我化嘅時候就全日都無出過油，個妝嘅質素好好。Set頭又好好，係啱心水。

揀相都揀咗個幾、兩個星期都無催我地，有幾張相咁啱個景啲花開得好靚～～佢地係自然風格唔做作，影出嚟一半人一半景，我都幾鍾意～相簿出到嚟嘅質感同平時喺街度見到嘅唔同。佢地嗰本係高質啲，而且啲相好厚，同埋啲相比我想像中靚！！！