朋友推介波記攝影俾我地，話佢地好識搞氣氛。我地去到婚展度同佢地傾都係好投契，所以好快就決定咗搵佢地。其實我地本身無諗住影pre wedding，所以去到婚展就直接搵波記攝影for big day。點知過咗一兩個星期，佢就打俾我地話原來佢地搞錯咗個日期，嗰日已經有job，我地嗰陣都有D唔開心。但係佢地已經搵定另一個人去幫我地，就約我地同嗰位攝影師見下。我地見完都覺得OK，同埋佢地再送多個studio pre wedding俾我地，包哂化妝、set頭租衫。雖然佢地係搞錯咗D野，但係我地覺得佢地處理得好好，係好主動咁賠返俾我地，幫我地settle返個問題，所以我地都好滿意。

佢搵嗰個朋友影得好好！我地有睇過佢個profile，我地估我地俾嗰個價錢係請唔到佢。同埋佢當日帶到成個流程係好smooth，因為我地都好怕要好造作，擺好多動作俾攝影師影相，但係當日我基本上係無要特登擺D咩pose，但係佢都影到，so far我見到D相都係好靚好滿意！