我之前做人地兄弟嗰陣認識咗Marcus，嗰陣已經覺得佢啲片好好睇。佢hold成個process都好好，所以到我結婚都搵返佢。

整個過程裡面，佢嗰種對專業嘅執著都令我好深刻，佢對成件事都好有專業要求，會好認真咁去做。例如係我地時間其實好tight，開頭就會話不如早啲過去個場地，但係佢都會好堅持要spend返一啲時間喺影相個度，呢份堅持我覺得係好事嚟嘅！對於攝影角度或攝影有關嘅各樣嘢，佢係好執著，非常專業。最後我地喺嗰度都影多咗半個鐘左右。雖然係咁，但係出到嚟啲相全部都係好靚，我地都好鍾意同埋都覺得係值得嘅！