因為我同David係同事，我知佢有夾開band同埋係一個會做埋證婚嘅律師黎。我之前都睇過佢嘅表演，加上我地係戶外婚宴,一定需要live band，我又都覺得佢無論係做live band定係做證婚律師都好適合，所以就搵左佢。我地一開頭都決定左揀佢架，因為我平時接觸David，都覺得佢性格係好容易遷就人。而且我地戶外婚禮，想個氣氛都係一個party嘅形式，唔想搵Ｄ太老派或者傳統嘅律師，所以David就非常合適😎到我地開會個陣，佢係好詳細，好細心地提我地要留意嘅事同埋細節。文件嗰D佢都係準備得好充足，所有野都解釋得好清晰。甚至乎完左嗰次會面之後，我地都會透過email去溝通，例如有咩要準備俾佢、佢又有D咩文件要俾我睇。中間個回覆都好快同埋好清晰。一開頭，我地想都有同佢講番我地想要個感覺係一個好開心嘅party。我知佢有時會係D wedding度表演jazz，但係我地覺得jazz都唔係太適合我地呢個wedding，所以有問佢會唔會有D比較輕快D、party感重D、 chill d 嘅音樂。我地比左songlist佢，佢有好多都達成左，仲有好多歌係特登幫我地rearrange左再去彈同唱。另外佢自己都揀左好多符合番呢個氣氛嘅歌，有D係廣東流行曲，所以我地見到現場個氣氛好好，D賓客都好鍾意👏🏻👏🏻歌方面，佢當然係專家，所以都完全做到我地嘅期望。 March in 同march outu3000，我地就揀左"最後晚餐"同埋"I was born to love you"，佢都完全跟我地expectation去演奏返。當日之後，無論係我D長輩親戚定係我地身邊D朋友個個都話David係我地婚禮上面嘅焦點之一，因為覺得佢live band好勁，帶動到個氣氛，一方面佢又做埋律師👍🏽佢一做完律師又彈返結他，大家都覺得佢好有型，同埋好多人都話第一次見律師係可以做埋live band，所以呢樣野係幫我地個婚禮加左好多分，之後好多朋友都話想認識下David！其實佢之前嘅準備已經係好充足架喇，講哂俾我聽D時間同幾多個樂手會到，因為當日都有bass, drum 結他同埋keyboard。當日佢地都好準時咁setup哂所有野，所以我地婚禮一開始，佢地已經可以即時開始表演。之後所有流程都跟足哂我地傾好嘅時間安排，同埋都見到佢係非常盡力咁表演！證婚方面都無咩問題，同埋佢係屬於比較輕鬆、幽默風趣嗰類律師，所以佢係我地呢個wedding就非常適合同好配合。唯獨就係佢係事前都有俾D宣誓台詞examples我地睇，嗰到就可以再多少少其他，因為佢比我地嘅examples比較多係宗教，或者係formal D, 但係我地自己本身無宗教信仰，所以如果多少少唔同類型嘅參考就會更加好。整體上我地都真係好滿意，個個都讚！👍🏽