因為我地影prewedding間公司包左係Mayona到租衫，咁個陣去試就覺得佢地D衫都好靚，所以就決定big day嘅衫都係呢到租。佢地D婚紗款都有好多，咩style款式都有👏🏻同埋我本身比較細粒，覺得出面好多衫都係比較岩歐洲人身材，但係我覺得Mayona D衫就幾適合香港人身型。佢地D staff係好細心，我媽咪都有一齊係個到租衫，佢話D服務好好，又會真係俾到意見你，幫你揀件係岩身嘅☺️同埋我自己本身都有係出面睇下D敬酒衫，睇左幾間都覺得D款比較老土，但係係Mayona度睇D敬酒衫，試左幾件，我都好鍾意，最後佢地都俾左D意見我，幫我揀件最突出到我身材，著得最靚嘅👍🏽我係Mayona到租左2件婚紗、1件紅色敬酒裙，我老公一套西裝同埋我媽媽一套媽咪衫。 咁我地都有睇過出面D媽咪衫，比較舊式，老土D，但係Mayona嗰D就唔會，係比較新款，同埋近晚裝款多D，所以如果媽咪係比較年輕就好適合呢度租埋。佢地西裝款都係好多，高調同低調款都有，我老公都好快揀到，佢地D款唔會話一式一樣好似通街都係咁樣，反而會有D暗花格仔，特別得黎又低調嘅款式。 佢地fitting都係好準確，我fit一次就已經可以，同埋佢地都係好有禮貌架，好願意花時間，我去試衫個陣其實都試左好多件，都試左好耐，但係佢地都唔會話點樣，都ok照樣咁幫我😚😚我好欣賞佢地D衫keep得好新淨，我試衫嗰陣都見到佢地每件衫都係pack得好好，唔會覺得試左好多次，或者舊左咁樣👍🏽好好呀整體都！👏🏻