我地之前都無聽過架其實，係第一次見到呢個設計！見到SOVOS個counter，覺得個idea幾特別，同埋覺得佢地個設計都幾有趣，可以揀自己鍾意嘅香味，有個互動係度！咁係我先生好有興趣先嘅，覺得呢個禮物幾特別。SOVOS既員工都好好，Johnathan 好詳細咁解釋佢地既產品、到當日嘅流程、點樣setup枱呀、佢同事會幫手做D咩呀，呢D都會講得好清楚。初時其實真係對佢地呢個產品唔係好熟，連個品牌都未聽過😳所以我地當時都問左好多問題，Jonathan都係好有耐性咁樣解答我地，覺得佢都好有誠意！😚 同埋對產品質素都好有信心，因為佢地主要係天然嘅成份。 當日我地都未決定，係攞左D資料返去再考慮...我地都有搵過其他禮物，但係覺得個吸引性就無SOVOS呢個咁大！其他可能都係D小禮物俾D賓客自己拎，但係呢個香水設計可以俾賓客揀自己鍾意嘅氣味😌好特別就係，佢個base有3隻味，on top仲有4隻可以揀，所以其實佢個combination好大，好多，唔係淨係得幾隻味 👍🏻 問返D朋友佢地都幾興奮，揀到自己鍾意嘅味，特別係女仔, 比較鍾意呢D香味，佢地都好開心，揀到佢地自己鍾意嘅款😍 至於男仔，我地開頭都有D擔心架，驚佢地會唔會唔鍾意，或者無興趣，但係原來佢地都有興趣同埋揀到！可能因為SOVOS出D 味比較大眾化，例如有一隻茶味係比較中性，咁就可以淡D，唔一定要好濃咁，變左男仔都好容易會揀到。聽佢地講返，佢地都會揀完送返俾老婆呀咁，所以D賓客都好鍾意呢個禮物💗 我地決定用SOVOS之後，再上去佢地公司度了解清楚同揀埋D味。佢地本身都set好左D主要既味比我地再揀，佢set嗰D都係幾容易接受既味，唔係好濃好strong，有 lady d 嘅花香味，亦有D中性或者淡D既味，所以我地都好鍾意佢地set既選擇，好易就揀到😀 我地當日開始之前，佢地就到左set場。Set好左之後，我聽返姊妹講佢地個流程都係好順暢，會叫D 人一 group group咁樣排隊去，變左都唔會亂😌 同埋聽返D賓客講返，都話佢地個set up 好靚，佢地張枱 D decorations同埋成個香水setting都係好靚 我地聽到呢D comment都係好開心！聽到D賓客欣賞，變左香水唔係只係一份回禮禮物咁簡單，仲係一個活動，好似有個節目俾佢地做咁樣，唔使淨係坐係度，而係好multifunctional 😌 佢俾左15ml，長條test tube形香水樽我地，如果佢地個size可以有多D選擇就更加好！不過我都唔知佢地係咪有第D款，如果有多D選擇就更加好喇😝 但整體都真係好滿意，出到黎個效果都係好好呀！😎