見佢哋嘅package幾吸引，韓國濟洲島亦都係咁啱我哋想影嘅春天季節，有麥田、櫻花，就揀咗佢哋嘅package，包埋酒店住宿、婚紗、攝影、接送等等，機票自費。成個團隊好細心，會同客人傾計，亦有提供中文翻譯。事前我哋喺香港已經傾過想要點樣嘅效果，婚紗方面選擇多，佢哋亦建議我搵啲reference，可以更快搵到我想要嘅婚紗。當日化妝方面做得唔錯，配合到我想要嘅妝容，攝影師亦有教我點樣擺pose，出嚟嘅效果幾滿意，整體而言唔錯！