香港嘉里酒店
Kerry Hotel Hong Kong
4.3

客戶評語

david
5
精選評語
服務 / 婚宴日期: 2019.01.08
嘉里酒店係一間幾新嘅酒店,17年中先開,朋友又有介紹。我哋事前睇過三、四間酒店,嘉里個地點都幾方便,近地鐵站、價錢合理,以酒店嚟講算平,所以就揀佢哋😌場地新淨,入面無柱,有個好大嘅廳可以擺到100圍,但我就揀咗細嘅ballroom,擺咗廿幾圍場地都好闊落👍🏻出面又有個幾靚嘅空中花園,可以比大家去影靚...

嘉里酒店係一間幾新嘅酒店,17年中先開,朋友又有介紹。我哋事前睇過三、四間酒店,嘉里個地點都幾方便,近地鐵站、價錢合理,以酒店嚟講算平,所以就揀佢哋😌場地新淨,入面無柱,有個好大嘅廳可以擺到100圍,但我就揀咗細嘅ball room,擺咗廿幾圍場地都好闊落👍🏻出面又有個幾靚嘅空中花園,可以比大家去影靚相😎亦有一個地方專門做證婚儀式,但我自己就無用到。佢哋包咗一晚住宿,我自己再加多咗一晚接新娘,安排咗套房比我哋。我之前去過朋友其他酒店出門,間房好大、有兩個廳,但嘉里就只得一個廳,間房都大嘅,咁前一晚我有幾個兄弟嚟過夜,有加一張床,再加埋出面張梳化,都勉強夠訓,不過就可能無咁舒服🙈 酒店方面好多位職員前後負責我哋嘅婚禮,佢哋每一位都好專業,好幫得手!我一年幾前訂酒席,由第一位交比第二位中間有啲好minor嘅小問題會有甩漏,婚禮前一兩個月我哋要再問返職員先確定到,不過都只係溝通上小問題😌我哋有試過菜,佢哋嘅嘢食唔錯,親朋戚友食完都話好食!