睇過好多間場地佈置公司，覺得Leung’s Creations不論外觀、設計都好好，職員好有禮貌，所以對佢哋第一印象好好。後來有朋友話識佢哋入面其中一位職員，咁我哋就去聽下，最後揀咗佢哋。最初我哋揀咗唔同嘅圖片做reference，佢哋再就住我哋想要嘅設計美化，最後我哋好surprise，因為比我哋想像中靚好多👍🏻！好多細節自己冇留意到，佢哋好有經驗，會提醒番，而我哋聽曬佢哋嘅意見，結婚當日嘅效果非常好！不過當日backdrop中心有少少反光，唔知係燈光嘅問題定係其他野，咁我都唔會覺得係佢地嘅問題😊 Package包左主同second backdrop、reception 燈箱、相架等等，整體好靚！跟我哋嘅職員叫呀雪，佢跟得好好，好有耐性，有時我哋夜晚八、九點收工先問佢問題，連我自己都唔好意思，但佢覆得好快，好窩心！溝通嘅過程中都感覺佢哋對啲嘢好熟，會好安心交比佢哋。而且肯聽我哋意見，又解釋得好清楚。其實婚禮上太多嘢煩，decoration只係其中一樣，所以我覺得可以帶比客人安心嘅感覺係好重要。梁品佢地做得好好，令我好安心，完全唔需要擔心，壓力細好多，而當日亦做得非常好！