我想搵一啲simple同elegant d 嘅deco公司，同埋希望啲design比較creative。 第一次見Romance Wedding 就覺得佢地真係做到哂我想要嘅野! 我同老公係因為蜜蜂相識，所以我地都希望Decoration主題係同蜜蜂🐝有關嘅。佢地會因應我地嘅要求去設計，backdrop、candy corner、welcome board 都係圍繞住呢個主題。佢地職員好友善，同埋會配合我地要求去做。每次佢地都會俾多過一個options我地揀，同埋佢地好好，會因應住我地嘅budget去調節，所以唔會out budget～ 另外，佢地彈性都好高，本身有個set package, 有啲我唔係好想要，譬如candy corner 佢本身有幾sets，但我覺得唔需要咁多candy，佢都俾我可以唔使跟足個package去做。

佢地回覆都算快，答到我想要嘅野。當然如果可以再快啲就更好，但都係我接受到嘅程度... 記得嗰陣我同佢講過我想個candy corner有啲蜜蜂，都feel到佢地聽完好興奮，唔係好commercial嘅樣，仲幫我搜集左啲資料，都感覺到佢地對設計有熱誠。佢都幫我設計左個backdrop，本身要加$2000個材料費，我就同佢地講覺得有啲out bud，問佢地可唔可以轉，咁最後佢地都做到，出到黎都係好靚 ! 同埋除左deco，我地都搵左佢設計請柬，佢地都做得好好，好靚，同埋好快手。佢字體或者紙材嘅選擇都好多，好容易可以揀到我地想要嘅野。 出到黎個效果真係out of 我地expectation，亦都收到好多positive feedback，所以我地好滿意！黎setup嘅時候佢地都punctual, 裝嘅時間亦都係within我地要求，都埋裝得完全無問題，整體感覺都好靚。我地完左wedding, 佢地都即刻黎拆返啲野。各方面我地都好滿意😊！