本身我有朋友係用左佢地公司嘅裙，個效果都ok，就介紹左我地去，我地前前後後比較左三四間。最後主要因為係D裙嘅質素，同埋款式都比其他好，例如佢其中一個牌子係大牌子，我地睇過咁多間，一摸上手，D款呀，質地，就知道尼間個quality係最好。加上佢地個負責人都好helpful，俾到好多意見我地，綜合左咁多野，我地就揀左用Fairy Bridal。 我太太都係D好揀擇嘅人，我地第一次上去試係大概晏晝十二、一點，去到夜晚9點鐘，個時間其實都好長，大家都好攰，但係佢地都係好friendly，好helpful，又唔會趕我地催我地咁樣，尼樣野對於我嚟講係好impressive👍🏼，因為講真我好明白好多新娘子都會好有意見，但係由一點鐘去到九點鐘又真係有D誇張，但係佢地都係盡力做好件事💖。 化妝都ok，我太太本身都係有化開妝嘅人，變左佢又係對某D位都比較堅持，一開始可能岩岩接觸就唔係太知道大家想點，但係個化妝師好快就可以滿足到我太太個要求。譬如髮型呀，accessories ，佢都會有好多提議，亦都有好多諗法關於可以點樣配合返D裙。另外雖然我太太另一條裙唔係Fairy Bridal到租，佢都會諗點樣整D頭飾去襯返條裙，服務好好。不過當日化妝時間就比較耐，當然整體嚟講係因為佢好一絲不苟，不過因為結婚當日行程比較tight，雖然當日都無delay，不過影相時間可能就會cut短小小，所以我覺得可能要取捨一下。不過，當日D賓客都覺得我太太好靚😍！同埋我太太係少女心個類人，成個人好公主feel，所以做到好公主嘅感覺，真係好襯佢！加埋我地係fairy bridal租左一條我地覺得最impressive，個拖尾好長嘅拖尾婚紗進場，雖然唔算非常誇張嘅拖尾，但係入場時大家都覺得係好驚艷，好靚，比一般見到婚紗款係靚好多。 佢地fitting都ok，我地前前後後都上過去兩次定三次，我太太最尾再瘦左小小，佢地都好好，好fit身。👍🏼