我join咗佢地pre wedding同埋big day既2P1V plan。攝影師同職員態度都唔錯，例如我地影pre wedding個陣因為要處理屋企事而轉咗時間同地點，但係職員都肯盡量配合我地。同我地接洽既Cindy幾細心又有耐性。7月係北海道影相既時候，天氣雖然好熱好曬，但係攝影師Issac同化妝師都唔怕辛苦，全程跟住我地，化妝師即使當日屋企有事但係都有全日keep住幫我補妝，無因為私事而分心，好專業👍🏼。我地對日本影個輯相都好滿意，所以之後係香港影嗰陣都對呢間公司有信心。10月有一日係香港山頂影相嗰陣本來我地係打算著住婚紗影既，但係攝影師Oscar突然靈機一觸，叫我地著住便服影咗幾張，出到黎效果都好好，可見佢地好識執生，同埋兩位攝影師都好有經驗，識得教我地擺pose。佢地個package包埋租衫，一條龍服務就唔洗自己煩，加上衫既種類都多，職員又會盡量幫我改到個size係fit我身形。完左之後我地對D相都好滿意，係小清新既風格，鍾意清新簡約風既新人都可以揀佢地。原先相簿入面預設咗一D句子，但係最後公司都俾我地換咗一D自己揀既金句落去，幾貼心。唯一既少少缺點係本相簿都幾大同埋重咗少少，我自己一個女仔攞就有少少辛苦，但係佢地已經提供咗環保袋，又包裝得好好，所以都ok既。6月8號Big day個日我對攝影師表現都好滿意，一路影一路有講有笑，令我地好輕鬆，所以影出黎既相好自然💖。