呢間係我太太之前經舊同學介紹而搵到既，之後我再係facebook聯絡佢地約試身。我覺得佢俾我之前pre wedding租婚紗個兩間還要好，因為試身既時候係有一個職員專係serve我地兩個，唔會好似其他公司咁一個職員serve幾pair人。我地準備婚禮既時間比較少，驚有啲款會租唔切，但係因為呢間公司有自己既designer,佢哋好盡力介紹啲新款設計俾我地揀，所以其實選擇都好多，會俾出面更加多同特別，我太太都幾滿意同揀到自己既心水。Designer Fiona直情會親自提供意見俾我地，話我地知邊啲款襯我地，同我地傾下計，幫我地揀👏🏼👏🏼....鋪頭裝修比其他公司更加grand,同埋有好多鏡方便我地試身。Total媽媽衫租咗兩套，自己就租咗三套，太太就租咗六套衫，佢地會免費租埋首飾俾我地，咁多套加埋價錢大約$28000，比出面相宜。我同太太都好滿意佢地既服務😄，有幾次我仲買咗啲野飲請佢地飲添。