當初真係完全唔知fairy bridal嘅存在，係純粹喺facebook搵到佢哋，再contact佢哋咁。當時其實都揀咗四至五間，但最後因為佢哋款式比較吸引我所以就揀咗呢間。之後我約咗個時間上去佢哋office試衫，同一日我就決定租一件婚紗同一件晚裝喺bigday用。當時啲staff sell我嗰陣其實態度好好，就算係之後whatsapp都好快覆👍🏻加上佢哋對我好似朋友咁，好多嘢都會幫我手諗，所以感覺都幾好。上到去試嗰陣佢有大概問過吓我想要咩款，雖然佢哋款睇落唔多，但當佢哋知道我想要乜類型之後都好快搵到啲適合嘅比我去試。有個加分位就係佢哋啲地方好整齊乾淨👍🏻上到去會要求你除鞋，唔會好似出面啲大鋪頭咁，加上佢哋啲婚紗好新，唔會比人著到舊哂，著上身嘅質素都好好😍，所以我就決定去租佢哋。啲職員仲會喺試上身嗰陣教埋我啲內衣點著先會舒服，真係好窩心💖！加上佢哋地方較大同埋要book時間上去，所以唔會話見到好多人喺度來來往往，除咗有好私人嘅感覺之外，就算要帶埋啲friend上嚟幫下眼都得。講真，佢哋價錢唔係特別平，係正常standard，但feel到佢哋有心做，對客都好好，所以大家真係可以試吓。💖