我係之前係facebook見到店主啊V開咗個招練妝model既post,所以我就pm咗佢，跟住我上咗佢Studio做咗佢4個鐘頭既練妝model。個次俾佢練妝就發現佢既技術都唔錯，幾岩我心水👍🏼，所以我自己big day都搵咗佢幫我化妝。由於我big day淨係簡單咁設咗午宴，所以就淨係請咗佢半日，我覺得價錢都合理，同埋成個過程都好有交帶既。約咗佢朝早六點係我屋企化妝佢都準時到，同埋過程中都有不停幫我執下補下妝。因為我都信任佢，所以妝同髮型我都完全交俾佢幫我設計。由於時間比較傖促，我地傾好咗只係會整一個造型，咁個妝佢都有襯返我當日既婚紗，係比較簡約個種。髮型方面佢幫我紮咗個低髻，仲額外自費買咗鮮花幫我做頭飾，無extra收我錢😃。同埋佢都有按我要求無係我個髮型上面落好多gel，會聽我意見。下午佢準備離開個陣都有同我講聲同埋幫我再補多次妝，好盡責。佢對客又好好又唔怕蝕底，大家真係可以多多支持下。💖