當時係經化妝師介紹，同埋睇Facebook有好多好評，影出嚟嘅效果都好靚，所以就揀左Katie Little Workshop。

起初我有同Katie講過我對顏色嘅要求，好似話我一定要花花呀、紅色嗰啲，佢有畀到啲設計我揀，因為時間好趕，自己都無乜點比較，但睇番就覺得好靚，於是就決定左。

到結婚嗰日，朋友同事個個見到都話好靚😍。我覺得Katie嘅設計好有潮流感，好似以前去飲見到嘅款係拉布嘅，但Katie幫我整咗個board，前面又擺左啲花，我覺得簡單得嚟又好classy。

Katie有畀幾個少少唔同嘅設計我地揀，佢首先有兩個type嘅，之後每個type再畀幾個variety我地揀，其實兩個設計都好靚，不過最後揀左個清啲嗰個。

佢地嘅回覆速度都好快，都有畀個email我，問我有啲咩要求，迎賓個牌同簽名版都有幫手design埋，我地好滿意👍🏼。喺婚禮前，佢地有send場地佈置嘅相畀我地睇。我覺得佢地嘅設計唔似淨係template，好似話我鍾意花花，佢俾我睇嘅都係我想要嘅嘢囉。

Katie佢地有同我地去睇場地，我地book嘅酒店conference room樓底比較低，而且有盞防火燈咁嘅嘢，但佢地都可以幫我地整到遮左睇唔到，又唔會覺得好侷促。我自己嘅佈置係立體嘅，本身佢俾個圖我睇，我係估唔到咁特別嘅，最後見到個效果都覺得好靚。💖