租褂嘅公司係喺婚展睇到嘅，因為啲朋友話婚展嘅discount係最好。呢間都好出名，我細細個已經有聽過呢間嘢㗎喇，所以我都無特別去格價就直接揀咗呢間，同埋老人家都中意呢啲傳統啲嘅，冠南華又多傳統款，所以就直接揀咗。其實試褂嘅過程好快，嗰度啲職員都好有經驗👍🏻佢哋一望我身型就知我咩碼，就搵出嚟我試，上到身真係完全啱啱好，所以睇得出佢哋真係好有經驗。佢哋除咗褂仲會有啲小禮物，例如俾新人嘅拖鞋呀。我一開始以為佢哋係得褂，點知原來佢哋已經upgrade到有得租婚紗同晚裝，咁我就決定媽咪奶奶嘅衫就喺佢哋度租，佢哋啲款多得真係好誇張，有長有短、有透有唔透都有得揀, 仲有好多款，佢哋會幫手襯埋啲披肩去幫手遮遮啲肉，加上佢又提供改衫嗰啲，又會幫手落下嘴頭哄媽媽們邊啲款可以試下咁，還衫又方便，同件褂一齊還，最尾就喺佢哋嗰度租咗兩件。總結嚟講我覺得佢哋有經歷、款式多、快搞掂、有完整配套、地點又ok，係一間性價比好高嘅商店，可以一試！❤️👍🏻