Vision Wedding and Production
4.4
香港旺角廣東道1155號日昇廣場12樓1204室
3568 1214 / or Whatsapp: 61688328

客戶評語

Huen Lam
5
精選評語
服務 / 婚宴日期: 2019.11.17
我哋係上Facebook見到VisionWedding嘅,覺得佢哋影嘅相好自然,調色又唔會好誇張,之後比較過其他兩間公司,都係覺得VisionWedding嘅風格啱我哋多啲,所以最後就揀咗佢哋啦😊。我哋係喺Facebookcontact佢哋嘅,之後上咗去studio睇,佢哋都係好簡單咁俾啲作品我哋睇...

我哋係上Facebook見到Vision Wedding嘅,覺得佢哋影嘅相好自然,調色又唔會好誇張,之後比較過其他兩間公司,都係覺得Vision Wedding嘅風格啱我哋多啲,所以最後就揀咗佢哋啦😊。我哋係喺Facebook contact佢哋嘅,之後上咗去studio睇,佢哋都係好簡單咁俾啲作品我哋睇嘅,係我哋要求可唔可以再睇多啲,佢先再開多啲file出嚟俾我哋睇,解釋得都好清晰,唔會好hard sell咁。我哋用咗Vision Wedding嘅pre-wedding同big day攝影,覺得佢哋喺教影相pose方面都好多好仔細,擺出嚟嘅動作雖然可能自己覺得好奇怪會扭曲到,但影出嚟嘅效果都會好好👍🏻。Pre-wedding我哋係去咗沖繩影嘅,開會嗰陣我哋都傾好要去邊啲地方,佢哋後尾又會主動介紹六月有繡球花景點,問我哋想唔想影埋,咁我哋聽到都覺得幾特別,就定咗呢個做景點啦。之後去到big day嗰日佢哋嘅早拍晚播拍得都好好,好多朋友同事都有問話係邊間攝影公司😆。因為我見有啲早拍晚播嘅內容係會cut到一忽忽,跟住又好鬆散嘅,但佢哋嘅就係連接到由朝早接新娘去到註冊嗰個環節,都識捕捉我哋嘅感動位,拍得好溫馨🥰。鍾意啲自然啲風格嘅新人就好適合佢哋啦,因為有啲人會鍾意影到好華麗咁嘅,咁佢哋可能就唔係咁適合呢種風格啦。