一開始我哋已經想搵live band，當初係我太太搵到Neo Music，之後上佢哋YouTube睇，覺得佢哋好好，所以無諗太多就決定喺婚禮用佢哋嘅live band😆我開頭喺email搵佢哋，之後就用電話同whatsapp溝通，我搵佢哋都覆得好快，就算好夜都可以覆到我。特別係最後階段嗰陣好忙，日頭要返工，通常要夜晚先得閒搵佢哋，但佢哋好快覆，仲好helpful，令到我哋好安心。佢會同我哋解釋個package有咩，再介紹個揀歌流程我地要揀30隻歌，中間好多detail嘢就係我問之後佢答咁樣。佢哋有歌list俾我哋揀，但係都有話如果我哋有想要嘅歌喺個list無都可以同佢講，佢哋都可以幫手安排👍🏻

Big day嗰日佢哋total有9個人，其中3個人負責set up啲嘢，5個人嘅full band就表演咗3個鐘。佢哋嘅表演好好，又帶動到氣氛，好多朋友都讚佢哋，所以我哋好滿意啊。如果一開始佢哋可以俾個更加清晰嘅流程就更加好啦，譬如幾時前要俾到個歌list佢哋、新人要做啲咩同埋當日大概點樣安排，因為呢啲嘢都係我臨尾問佢佢先答，如果原本已經有個咁嘅protocol就會再清晰啲，咁我哋都唔洗成日搵佢哋啦。我已經介紹咗Neo Music俾其他朋友啦，我覺得佢哋比較適合鍾意音樂嘅人😉