我哋係喺Facebook搵韓國嘢咁啱見到Han Kuk，佢哋有一條龍服務，好方便，所以就揀咗佢哋嘅全日服務啦，就係日頭到夜晚嘅化妝set頭😆。

之後我哋上去試妝，佢哋會俾啲專業意見我哋適合咩妝容同髮型，會就我哋同好細心，同埋因為我哋無請wedding planner，佢仲會俾好多婚禮嘅意見我哋，識講中文英文韓文，所以都好幫得手👍🏻。我太太係韓國人，佢算係多要求嘅，但係都好滿意佢哋韓風啲嘅妝容同化妝技巧，韓國化妝師見我太太係韓國人都會化得用心啲，溝通上可以用韓文都方便啲啦。

美中不足就係嗰陣我搵唔到廣東話轉韓文嘅翻譯，Han Kuk嘅老闆娘就幫我哋坐喺女家嘅檯做埋翻譯，但係因為佢唔係專業嘅，又無咩經驗，就顧及唔到咁多。翻譯嘅部分佢係有收費嘅，如果可以再用心啲做就更加好啦，因為原本女家嗰檯都諗住靠佢，但係最後我太太嘅表姐都要幫手做翻譯🙈。

不過佢哋喺化妝方面真係好有經驗，會明白我哋想要咩，我哋唔洗提佢哋已經知要點做。夜晚開席前佢哋會跟住我哋，時刻睇住我哋幫我哋補妝，好細心🥰。