Vision Wedding and Production
4.7
香港旺角廣東道1155號日昇廣場12樓1204室
3568 1214 / or Whatsapp: 61688328

客戶評語

Luby
5
精選評語
服務 / 婚宴日期: 2020.01.03
我哋係喺Facebook搵到VisionWedding嘅,之後約咗上去傾,攝影師Billy好好,介紹咗好多地方俾我哋同解釋得好詳細,講解唔同地方有咩特色,會了解我哋想影嘅地方同風格,再睇下有咩地方適合我哋。因為我係做老師嘅,時間上面比較難就到,Billy都好細心咁幫我安排好,服務好好😊。最後我哋就決...

我哋係喺Facebook搵到Vision Wedding嘅,之後約咗上去傾,攝影師Billy好好,介紹咗好多地方俾我哋同解釋得好詳細,講解唔同地方有咩特色,會了解我哋想影嘅地方同風格,再睇下有咩地方適合我哋。因為我係做老師嘅,時間上面比較難就到,Billy都好細心咁幫我安排好,服務好好😊。最後我哋就決定pre-wedding去日本影輕井澤的紅葉,佢哋會俾啲資料我哋睇紅葉開嘅時間同邊個景點開得最多最靚,再結合佢哋之前嘅經驗睇邊幾日紅葉會開得最靚。

我哋同其他攝影公司傾過,對比下覺得Vision Wedding嘅感覺好nice好friendly,影完pre-wedding之後同Billy成為咗朋友,依家仲有keep contact,所以big day都好放心交俾佢哋影🥰,同一隊crew影已經好熟悉大家啦。

去影pre-wedding前佢哋好細心咁send咗啲reminder俾我哋,所有嘢都好detailed,天氣方面又會提埋我哋大概幾多度同要準備咩衫咁。佢哋會聯絡埋當日負責嘅化妝師,同佢哋配合好要準備啲咩頭飾嚟造型。最貼心嘅係佢哋幫我哋安排好住宿,因為我哋無去過輕井澤呢個地方,所以佢哋幫我哋安排喺同佢哋同一間民宿,咁夜晚開會就會方便啲,換衫化妝方面都會易啲安排,唔洗去第二個酒店等大家咁。佢哋同間民宿嘅老闆好熟,所以都安排咗老闆喺我哋到輕井澤嘅時候嚟接我哋,細節位安排得好好,令到我哋好安心🥰。

我哋係比較慢熱嘅,雖然Billy就咁望落好似好靜,但係一開始影相佢就好專業,可以帶動到個氣氛,就係咁樣friend咗,之後我哋再返東京轉機都好巧合咁撞到大家。Billy會做埋司機揸車車我哋去影相,因為佢好熟個地方,就算我哋無頭緒,佢都可以搵啲啲影相位,會問我哋有無咩特別想影,無嘅話佢都會同我哋一齊去發掘啲新地方,揸到某啲位就落車影,所以我哋影嘅相數量好多,影得好自然,影嗰陣擺pose嘅時候佢已經了解到我哋係咩style,所以唔會夾硬要我哋去做唔係我哋style嘅嘢,成個過程好smooth好輕鬆😇。聽其他人講影pre-wedding要去好多個地方,影到好攰好辛苦,但係我哋同Vision Wedding影係好開心,因為大家好似朋友咁,會傾下計講下笑又玩下。之後影完返到嚟香港先知原來有個朋友都係搵佢哋影big day,pre-wedding同佢哋影相體驗又好,就二話不說請埋佢哋影big day啦🥳。

去到big day嗰日好多朋友都讚佢哋早拍晚播拍得好好,好識帶動氣氛,令人感覺好開心。嗰日嘅時間會比較緊促,佢哋就會俾啲意見我哋,唔會催我哋,而係盡量幫我哋安排原本schedule咗嘅嘢,就算時間上短啲,但係都俾我哋影到,可以留低啲回憶。因為我出門時間好晏,會驚去到男家唔夠時間食飯,又要趕住去外影同證婚。佢哋開會嘅時候就俾咗個好專業嘅意見我哋,提議可以調返轉,我哋未出門嘅時候兄弟姐妹可以去食咗飯先,我哋都可以喺屋企食埋飯再出門,最後我哋跟咗呢個意見成個流程真係smooth好多。

雖然外影時間都係短,但起碼我哋唔係擔心兄弟姐妹好晏先食飯,又或者食完飯無時間外影啦。我哋嗰晚都去到比較夜,但係佢哋唔會一到時間就走,好好咁等啲賓客走晒先開始執嘢,又唔會催我哋俾尾數,俾我哋感覺好舒服。佢哋好細心咁照顧我哋嘅屋企人同朋友,有啲老人家聽力無咁好,佢哋都會用好多body language等佢哋可以明白個指示,又會好努力引佢哋笑。有啲屋企人想佢哋幫手影張相,佢哋亦會好樂意配合,唔會計較,真係好細心😆。

成隊crew都好nice,大家好幫大家,唔需要我哋幫佢哋攞器材。想要好貼心嘅服務或者好nice攝影師嘅新人就好適合Vision Wedding啦,同埋佢哋可以影到啲好自然嘅風格同真實嘅我哋,我哋pre-wedding嘅相無咩執過嘅已經好自然好靚,佢哋嘅價錢有咁樣嘅出品性價比好高啊,hard copy有油畫相薄咁,啲相就有個盒仔同個佢哋自己design嘅usb,唔會淨係燒隻碟或者用drive,都有個usb可以俾我哋留紀念😊。早拍晚播同我哋收到佢哋send咗嘅某啲相,我哋一睇已經好鍾意,真係好難得。我哋想要嘅嘢佢哋會盡量配合,所以好滿意整體服務👍🏻。