我一開始上Facebook搵化妝師，我無搵化妝師化妝嘅經驗，所以就問咗好多Facebook MUA嘅page，睇晒啲價錢。我16年年尾就已經搵過Natural Draw啦，當時規模未有咁大，得一個或者幾個MUA咁，但係佢哋18年嘅期已經full咗，所以當時我就搵咗第二個MUA啦😣。

原本我嘅婚期係2018年12月，但係因為屋企有事，婚期就延後咗一年到2019年12月。原本嘅MUA有事幫唔到我化妝。咁得返半年時間搵，我就諗住搏一鋪啦，周圍搵，最後見到Natural Draw已經發展到有好多嘅MUA🤩。我喺Facebook一問，佢哋就會send埋啲作品俾我睇，每個MUA都有自己嘅一條link，㩒入去可以睇到好多作品，好清晰。我喺佢哋個list度搵到Katrina，覺得好啱心水，價錢好公道，見過佢set嘅一個中式頭好好，咁我就即刻問佢有無期，好彩佢有期，所以約咗下個禮拜上佢度試妝啦😆。

我一開始喺佢哋嘅作品入面揀咗兩個頭，一個中式同一個西式，仲有兩個妝就想試下係咪啱自己。同埋嗰陣我已經揀好晒啲晚禮服，就send埋俾Katrina睇下襯咩妝容會啱啲。試妝試咗兩個頭兩個妝，由夜晚6點試到11點，佢真係好俾心機啊。Natural Draw會自己整埋永生花同乾花，包埋可以俾我set頭嘅時候用，我揀嘅款係有花嘅，佢哋就會幫我加埋落個頭度，最後set嘅頭除咗頭髮顏色同長短唔同，同啲相有九成相似。

同埋我皮膚比較乾，試妝前佢仲幫我敷埋個mask，咁化嘅時候就無咁易起粉啦。我試完好滿意，就決定用佢哋全日新娘化妝set頭嘅服務啦，佢哋有免費幫我先生化埋遮埋瑕，我再加咗幾百蚊俾我奶奶同媽咪嘅朝頭早化妝，有化妝師同小助手兩個人幫我哋化😇。Big day前兩個禮拜我就send咗我想要嘅髮型同rundown俾佢哋，因為佢哋要求一定要send rundown俾佢哋，去到big day嗰日佢哋已經睇熟咗個rundown，知道邊個時間要化乜妝同埋要預幾多時間化咁。

我big day嗰日我要9點出門，Katrina佢哋差唔多4點半已經嚟到幫我哋化妝，化咗我仲要化埋我阿媽，佢哋好快手，化之前照樣幫我敷咗mask，好早已經搞掂咗，仲有時間影相。去外影嘅時候落雨，雖然有攝影師同姐妹，佢哋都會幫我擔遮同拎裙，一叫佢佢就會跳出嚟👍🏻。最後送嗰陣掛住同啲人影相淨返好少時間，得4個字俾佢哋轉妝同轉髮型，佢哋好快手幫我搞掂。因為佢哋比較後生，化出嚟嘅妝唔會老，比較適合我。佢好聽我意見去化妝，唔會一意孤行咁，仲要任我轉妝，真係好好，所以我好放心交俾佢🥰。我見佢化單眼皮嘅眼化得好靚，我隻眼係圓嘅佢可以化到長啲客同圓啲，我嘅朋友姐妹阿媽個個都話佢化得好好，好似整咗容咁🤣。我覺得年輕啲同鍾意小清新同自然風格嘅新人好適合佢哋，同埋佢哋啲花超靚，鍾意田園風嘅新人就非常之啱啦🥳。