我媽咪當年結婚既時候都係係鴻運繡莊租褂😂有個情意結所以我結婚既時候都揀返呢間，同埋係嗰度試完之後都幾鍾意所以直接揀左佢。佢地有好多唔同款既褂，由小五福去到褂皇褂后都有。特別既係，佢地既褂既裙腳有一串串既Swarovski水晶✨，佢地攞左呢個設計既專利。同埋佢地會係褂上面繡立體既圖案，比一般既靚啲。我最後揀左中五福，因為覺得佢既款比較新潮。係試既時候鋪頭既姐姐會特別提我唔可以成套試，決定落訂既時候佢地會送褂入面既紅色衫、拖鞋同上頭既工具俾我，攞褂個陣又會教我點著，服務幾好。另外，佢地既褂好新淨，但價錢就真係偏高。有啲公司雖然價錢平，但啲褂好霉舊。我覺得雖然貴但係都係值得既，因為真係好靚😚不過要注意既係落訂之前試褂係唔可以影相架。