我哋會知道VENATI係因為見朋友喺佢哋度買過對戒，同埋我又見到好多新娘group都有介紹佢。而且佢哋有門市，我可以好方便咁去睇到個版，知道個戒指係點，最主要係我去到嗰度佢哋俾我嘅感覺好好，我自己唔知要點揀嘅時候佢哋可以俾到個方向我，等我知道我鍾意啲咩，就可以慢慢篩選到我想要嘅嘢😆。

佢哋好有耐心咁話俾我聽揀戒指應該要點揀，我同先生嘅手型各自應該要揀咩款式。佢哋嘅款式好多，同埋好多款都好靚，我哋首先揀咗佢哋有摩斯密碼嘅款，但係因為我哋太遲去會趕唔切，所以最後就揀咗另一款對戒，係一格格有六格咁嘅，我哋睇出面係無呢個款嘅，比較特別🥰。佢哋度size度得好準，所以我一買戴到依家都無乜問題，早幾日好熱到依家涼返，我都唔覺得隻戒指好箍手，所以唔需要返去改，不過佢哋有同我講定萬一要改就需要點樣。

當初我哋未買求婚戒指，佢哋會教埋我哋睇石，應該要留意啲咩，首選嘅要求要睇啲咩咁，教咗我好多專業知識，真係好好😚。我哋已經好滿意啦，不過佢哋比較吸引人嘅款都係需要早訂嘅，因為係外國做嘅，我呢對好彩可以三四個月攞得到，正常係要早半年訂，咁對我哋呢啲到最後一刻先去揀嘅懶人嚟講就少咗啲選擇，如果佢哋可以縮短要等待嘅時間就更加好啦🤓。

如果有人問我推介戒指我一定會介紹VENATI俾佢哋啊，因為佢哋嘅價錢合理，唔同嘅戒指風格可以差好遠，幼嘅粗嘅簡單嘅複雜嘅款都有，鍾意特別啲款式同plan嘅時間多啲嘅新人就好適合搵佢哋啦🥳。