因為我哋想個婚禮唔同，所以另外搵咗間做初戀映畫嘅公司，佢哋就幫我拍咗段concept video，類似成長片段咁，價值好深。影之前佢哋有特登搵我哋，真係好似訪問咁問咗我哋完整相識嘅故事，之後再度身幫我哋諗個故事點樣拍👍🏻。因為我同先生係中學嘅時候已經認識，所以佢就特登陪我哋返中學拍，之後又知道我哋之間有啲小約定，又會幫我哋影低。我哋返咗中學，又入西貢，跟住佢哋為咗拍日落又去咗西九。佢哋不厭其煩咁幫我哋分咗三日去拍，出嚟嘅片段係5分鐘內，佢哋真係好有耐性，跟我哋上山下海咁😇。因為平時去婚禮可能淨係得婚紗相，淨係恭喜對新人嘅呢一刻，但係賓客都話睇咗呢個concept video就好似真係陪我哋一齊經歷咗成個故事，好多人睇到眼濕濕，我都無諗過有啲大男人會咁樣😝。初戀映畫真係好用心去聽我哋嘅故事，有人參加完我嘅婚禮覺得短片好好，就問我攞咗資料，我去到佢嘅婚禮都見到佢哋有搵到呢間公司影，好推介俾大家🥳。