係因為咁啱我男朋友喺網上面見到蒙羅麗莎有優惠，覺得佢嘅作品係我哋鍾意嘅風格，所以就打咗去問咗先，之後先去佢哋舖頭了解，最後我哋喺香港嘅studio同出戶外影。😙。佢哋員工會介紹個package，好清晰咁解釋包咗啲咩。後尾我哋影完之後揀相可能揀得比較多，同埋短片收費嗰度就去到影完晒相揀完相先同我哋講，如果佢一開始有同我哋講埋揀完相嘅收費內容就會好啲啦🙈。

攝影師有同我哋傾係想去啲比較城市定郊外嘅地方影，有俾啲意見我哋。化妝師同攝影師合作好好，我化妝嗰度耐咗少少，不過出嚟嘅妝好滿意😙。影相嘅時候攝影師有不停舒緩我男朋友嘅緊張感，佢叫我哋擺咩pose我哋就照擺。佢哋嘅studio有好多景，有木屋有櫻花，好靚啊，我哋都鍾意。我哋未收到啲相但係已經睇過啦，比我哋想像中好，無諗過會影到啲咁靚嘅相😍。我覺得鍾意自然風同韓風嘅新人都會適合佢哋，因為佢哋studio嘅景有少少韓風，影郊外就會自然feel多啲。佢哋嘅價錢合理，成果我哋都好滿意🥳。