我哋用咗My Dream Wedding影相化妝嘅一條龍服務，係行過見到啱，之後我老婆就揀咗去韓國同香港影😆。

去到韓國studio佢哋會俾我哋揀個景，攝影師係韓國人，全部嘢都指定好晒俾我哋，衫係我哋自己揀，連鞋都幫我哋襯埋🥰。場景有街景，好新淨。佢哋本身有個翻譯，會安排好言語上嘅溝通。當地嘅服裝人員同化妝人員都好好，會問定我哋想點樣化妝點樣set頭。有個姐姐幫我哋配嘢揀衫真係好專業，一望就已經知😇。我哋揀咗套衫佢就已經知我哋要著咩size，唔會求其咁俾幾件我哋試先試得啱，試啱咗之後就會幫我哋執返啲長長短短，好好啊。

香港嗰輯係送嘅，簡簡單單。韓國嗰輯相好靚啊😍，香港嗰輯可能因為送嘅就還好喇。但係佢哋安排韓國嘅住宿唔係一般咁易搵到嘅地方，要搵當地人帶我行啲橫街先搵到。個地方係方便嘅，喺小巷入面，咁入去嘅過程就會難啲，如果佢哋可以安排啲易搵啲嘅地方就更加好啦。佢哋其他嘅服務同服飾我哋都好滿意啦。我不嬲都有介紹俾朋友去影下，鍾意韓風嘅新人就好適合啦🥳。