當時我係一個人去行婚展，見到Primrose Garden嘅backdrop好靚，即刻吸引咗我。當日係一個叫Lily嘅女仔同我介紹，佢講得好詳細，又俾埋啲相我睇，我原本係完全無聽過鳥取呢個地方，但係聽完佢講之後就覺得好interesting，可以試下，就揀佢哋影pre-wedding啦😆。

去之前我哋有開個會傾去邊度影，佢哋就介紹返啲影相嘅地方。去到影相當日我覺得攝影師Gavin係超好，好細心，所有嘢都prepare得好好，影嘅相出到嚟全部都勁靚😍。

我哋影相嗰日係好凍好凍，當日仲要係吹住大風雪咁樣，已經好慘，我又無諗過係著唔到高踭鞋嘅。佢哋就提供咗啲水鞋，之後用婚紗笠住水鞋喺條路行，就完全無凍嘅問題啦🥰。影相in between嘅時候，佢哋又會幫我披返件大褸，好貼心。佢哋仲有提供啲專業意見，譬如個妝要點化先靚，pose要點擺同要去邊度影嗰啲👍🏻。如果佢哋可以幫手喺服裝上俾啲意見就更加好啦，因為佢哋包一套婚紗，之後我哋要自己帶一套影相嘅便服，如果便服佢哋可以俾下意見都好，因為我哋唔知要帶咩去，都係自己求其執。

我會介紹佢哋俾朋友啊，我覺得佢哋係行自然風格，就同平時喺Facebook見到好華麗嗰啲唔同，同埋佢哋係focus喺個人嘅樣，而唔係影個景但係人就好細咁。我哋睇返啲相真係超靚啊，合乎我哋嘅期望。雖然佢哋價錢貴少少，但係最後出嚟嘅作品我哋好滿意啊🥳。