係朋友介紹Wedding Place話好，咁我哋就試下啦。我有比較過其他公司，但係最後覺得佢哋嘅作品所有嘢我哋都好滿意，所以就揀佢哋啦。溝通過程佢哋有俾意見我哋，會同我哋講當日大概流程點做會流暢啲，俾嘅意見我哋都覺得好好用😇。

去到big day當日佢哋係2P2V嘅團隊， 一開始拍嘅時候就會幫我安排好晒，睇點樣啲時間會好用啲，佢哋都做得好好，等我哋唔洗成個流程行嚟行去，唔洗重複啲嘢，我覺得好好👍🏻。我哋有去酒店花園外拍，同埋出門接新娘嘅時候都有少少外拍。攝影師有俾意見話我哋邊個angle好啲，好多簡單嘢佢哋覺得拍攝出嚟嘅outcome係好嘅就會話俾我哋聽。佢哋仲有包埋段早拍晚播，拍得好warm好自然，我哋都好鍾意😍。

我覺得佢哋已經好好啦，佢哋做過咁多次經驗就好豐富，我哋就可以好放心咁交俾佢哋搞啦。啲相已經收返啦，capture到嗰啲moment，我哋睇返都好開心好感動🥰。我絕對會介紹佢哋俾其他新人啊，佢哋價錢好合理，拍攝手法係比較輕鬆嘅，唔會太拘謹，如果後生啲嘅新人就可以嘗試下啦。