我哋本身諗住去外地影，但係睇咗韓國嘅唔係好鍾意，就睇日本嗰啲。之後我哋行婚展見到Primrose garden有擺展，比較咗幾間覺得佢哋嘅相同服務各方面係最好嘅，所以就揀咗佢哋啦😆。喺婚展溝通嘅時候佢哋介紹得好詳細，會解釋返個package包咩，好清晰。同埋會講譬如幾時去會有咩影，或者去到有啲咩揀，佢哋都講得好仔細，就無話要我哋即刻落訂。我哋join咗佢哋個group，去咗個function了解多啲之後先join😙。

Confirm咗之後佢哋就有問我哋想揀邊個location同大概會影咩風格，因為攝影師有一套衫會幫我哋襯埋，佢襯完就會俾啲資料我哋望望，睇下係咪我哋鍾意嘅風格。之後會夾好集合時間、每個行程需要幾多時間，俾咗好多detail我哋。同埋我哋諗住順便去嗰度旅行嘅，佢哋熟嗰度多啲，我問佢哋有咩好食，住邊頭方便啲，佢哋都會俾啲意見我哋😆。

去到鳥取影相嗰日嘅交通係佢哋安排嘅，因為嗰日影有啲凍，一唔洗影相佢哋就會即刻拎件衫俾我披住🥰。之後我有著和服，因為差唔多要搭成個鐘車，又唔可以向後挨，要hold住個頭同背脊個蝴蝶結，都幾辛苦。佢哋好幫手，知道我著和服會唔舒服，都幫我墊好啲，等我坐得舒服啲，好細心好貼心啊🥺。

攝影師又會教我哋點擺pose，同我哋緩和氣氛。 我已經睇到啲相啦，不過相簿仲未出。啲相係我想要嘅嘢，好符合我哋嘅預期。佢哋出相快啲就更加好啦，我哋都心急想快啲睇到😝。如果佢哋多個助手就會好啲啦，因為佢哋有化妝師、攝影師同揸車嘅司機，幫手執頭執尾，佢哋就會舒服啲。

有朋友問我喺邊度影我都介紹咗Primrose Garden俾佢哋啦，如果鍾意鳥取呢個地方嘅新人就好適合，因為呢個地方人好少，係好適合影相嘅地方，東京大阪嗰啲就會周圍都好多人。做鳥取pre-wedding嘅好似有幾間，但係佢哋價錢上各方面我依家都好滿意啊，價錢係值得嘅，我哋仲可以當去埋旅行咁🥳。