我哋喺婚展見到VENATI，原本睇咗出面嘅款係諗住揀第二間嘅，因為我女朋友鍾意幼身嘅戒指，而我就鍾意啲粗身款，所以都比較難撞到。VENATI唔同其他公司，因為我哋去咗好多間，佢哋通常都係即刻俾我哋揀款，變咗純粹望款，望唔啱就走，又或者有啱嘅都做唔到我哋兩個😣。反而我哋去到婚展見到佢哋，佢哋就特別啲嘅，一開始唔係叫我哋睇款，而係睇咗我哋嘅手型先，適合戴咩類型嘅戒指同戴咩類型會舒服啲，先至再比款我哋睇，我哋覺得呢個point係幾好嘅👍🏻。因為我哋婚戒係諗住戴一世，戴得舒服好緊要，佢哋公司有呢個做法好好。

之後佢哋有介紹戒指嘅用料同喺邊度做，我哋覺得質量方面好，佢哋自己有工廠喺義大利生產，價錢同出面比又唔係好貴，所以我哋最後就喺佢哋度買咗對喺義大利訂返嚟嘅婚戒啦😆。對戒係佢哋俗稱嘅朱古力管，係一格格嘅，可以鑲啲鑽上去，就不會咁易同人哋撞款。

不過我覺得佢哋嘅marketing唔夠多，多數都係靠熟客，佢哋總監都有講過寧願擺啲廣告錢喺戒指度，做好啲戒指嘅質素，我覺得ok嘅，不過可能對佢哋生意嘅增長就會慢啲啦🙈。我會介紹佢哋俾其他朋友啊，我收返戒指都係一開頭所講嘅質素，佢哋喺婚展都有俾過啲成品我哋睇，同最後嘅成品相符啊。我好滿意佢哋嘅產品，同埋佢哋教咗我好多戒指上面嘅知識，就算唔喺嗰度買都可以參考佢哋專業嘅意見。佢哋可以話俾我聽隻戒指係點樣做出嚟，有啲咩工序，用料有咩分別。舒適度唔洗講啦，佢哋一開頭已經幫我哋睇咗手型係啱咩戒指，所以如果想買戒指嘅都不妨去佢哋度睇下啦。買唔買係個人取態，但係可以學到一啲嘢😇。

佢哋好重視對每個客人嘅承諾，話幾時交貨係做到嘅。佢交貨俾我嘅時間比較尷尬，我哋原本4月要影婚紗相，4月頭就去攞戒指，但係因為疫情去唔到。佢哋戒指喺義大利做，2月尾3月頭嘅時候又開始爆肺炎，之後開始封城，嗰時我有問佢會唔會有啲咩影響。開頭佢哋都話可能會遲交貨，最後佢哋通知我哋攞戒指嘅時間仲早過我哋開頭講嘅時間，早咗兩個禮拜🤩。佢哋之後同我講返佢哋係特登飛過去經法國去義大利攞，之後又經法國飛返香港，都幾轉。雖然我哋唔洗影相，純粹係早啲拎到啲戒指，我諗呢段時候佢哋其他嘅客都可能會擔心，可能趕住要用啲戒指，佢哋咁做令到我好impressed好感動啊🥰。