動人心弦
The Grandeur of Music
4.9

客戶評語

Kathy
5
精選評語
服務 / 婚宴日期: 2019.09.08
我一開始都猶豫緊搵唔搵liveband,唔知喺婚禮嘅效果係點。同埋個liveband俾咗啲意見,究竟應該揀啲咩合適嘅音樂。當時我同老公有唔同意見,佢鍾意啲古典、提琴嗰啲,但係喺婚宴唔係個個都鍾意嗰啲嘢,就會驚悶🙈。所以後期問咗啲朋友介紹,比較咗之後,TheGrandeurofMusic嗰邊就俾到啲意...

我一開始都猶豫緊搵唔搵live band,唔知喺婚禮嘅效果係點。同埋個live band俾咗啲意見,究竟應該揀啲咩合適嘅音樂。當時我同老公有唔同意見,佢鍾意啲古典、提琴嗰啲,但係喺婚宴唔係個個都鍾意嗰啲嘢,就會驚悶🙈。所以後期問咗啲朋友介紹,比較咗之後,The Grandeur of Music嗰邊就俾到啲意見同比較快,可以解決到我哋嘅concern,例如點樣令到個performance唔會太悶,或者拉提琴嗰度點樣可以做到啲pop嘅元素。balance到我各方面嘅要求,價錢上又合理😆。

雖然佢哋嘅價錢唔係最平,不過聽完佢講解就覺得有信心,約出黎傾嘅時候佢哋已經有啲preparation,最緊要係夾過啲rundown,俾到我哋好專業嘅感覺。 Big day嗰日因為我好忙都無咩時間理佢哋,佢哋係自己set up好啲嘢。我哋行個path長短都會影響到佢哋拉嘅音樂,佢哋就有諗過呢個問題,我覺得佢哋好細心好專業。專業唔單止係睇佢哋嘅音樂好唔好聽,而係成個流程要夾嘅時候細心嘅一點,最緊要係事前嘅溝通。

一開始歌曲嗰度佢哋都有俾意見,譬如開始啲人嚟到入場嘅時候就有啲modern啲感覺嘅歌,可以啱返我哋婚宴想要嘅感覺。事先嘅溝通比較足夠嘅時候去到當日就唔洗擔心啦,所有嘢都好smooth👍🏻。我事先問咗啲朋友有無話想聽咩類型嘅歌,之後就加落去,所以後生嘅朋友就會覺得有共鳴同好聽。

整體嚟講個氣氛係唔會好嘈嘅感覺,我哋之前都驚會distract咗個focus,佢哋唔會太嘈,就算近band嘅位置都可以傾到計,呢樣就係我哋本身想要嘅效果😍。朋友overall嘅feedback都係正面嘅,好enjoy,所以對於成個rundown同氣氛都有幫助🥳。

我覺得佢哋如果可以錄返條soundtrack俾我哋就更加好啦,咁想再回味返嘅時候佢哋有個soundtrack可以聽返就更加好啦。我覺得鍾意小提琴嗰啲classic同elegant啲音樂嘅新人就會適合啦。最緊要係佢哋嘅質素同價錢都係成正比,加埋佢哋嘅溝通真係好smooth,可以明白到我嘅concern,就算我原本唔識音樂,佢都可以俾到啲意見我,我覺得呢樣係好加分💯。

多謝Kathy嘅欣賞😍能夠為你哋嘅晚宴錦上添花, 我哋都樂在其中😊 衷心祝福你哋幸福快樂!