The Grandeur of Music好多元化啲，樂器同可以玩到音樂嘅種類比較多，其他間都係jazz嗰啲。我鍾意啲upbeat啲嘅歌，佢哋知道咗我嘅喜好之後就話佢哋有drums，可以整個bass都得，我就覺得好啊好正😆。佢哋解釋咗好多我嘅擔憂，我播咗啲我鍾意聽嘅歌俾佢哋聽，佢哋就話呢首歌可以俾咩樂器我，再加啲咩嘢就ok啦，所以就覺得搵佢哋做big day 4個鐘嘅live band😆。

確認咗之後佢哋已經好快就有whatsapp聯絡我哋，有開個group，會都開咗兩次。雖然佢哋有自己嘅歌list，但係我喺婚展已經同佢講咗我鍾意嘅歌，想擺喺wedding度，佢哋亦都會盡力配合我，佢哋最後都真係做到。Brian有幫我哋睇個rundown，跟住俾意見我哋，可以夾得好啲，最後嘅歌list都係我哋back and forth咁樣商量咗幾次之後決定嘅。臨婚禮嘅時候我哋又有再meet多次，finalize 所有嘢。佢哋仲有同我哋去個會場睇場，睇下啲音響設備同隊band擺喺邊，真係好上心🥰。

去到big day，我好surprised佢哋真係演奏出嗰啲好upbeat嘅歌。因為有啲歌就咁聽好聽，但係會擔心現場演奏出嚟會唔會演奏到CD嗰種感覺呢，佢哋又真係可以做到。全場氣氛好好，連我嘅長輩同嚴肅啲嘅同事都有出去跳舞。我哋有個dance floor，都係企滿人，我啲中學同學、大學同學同同事個個都有出嚟一齊玩🥳。我有問媽咪覺得個wedding點，佢第一句都係話隊band好好，媽媽轉達到啲親戚都覺得隊band好正。

因為我當日好忙，覺得最遺憾嘅就係無得好好地坐喺度聽歌。嗰陣我上台講完嘢真係好緊張，個心卜卜跳，跟住開始音樂，Brain拉緊小提琴，我同佢喺嗰下對到眼，我即刻就覺得好安心，聽住啲柔和嘅歌，見到佢又好親切，佢哋嘅音樂真係可以平撫我嘅心情😇。

我已經介紹咗佢哋俾其他朋友啦，我姐妹嘅朋友要結婚，佢都特登問我攞contact俾佢。我覺得係重視音樂呢個部分嘅新人就會適合，或者係想現場氣氛好啲、classy啲，成個感覺靚啲嘅話，我都覺得live band絕對會大加分👍🏻。我覺得性價比係好值得，就算個wedding有咩甩漏，可能情緒有啲混亂，又或者酒店server嘅服務唔夠好，有隊band就可以抹晒所有嘢，舒緩返個氣氛，好似撐住個場咁。有啲賓客都會覺得live band好加分，就會忘記啲唔好嘅地方。佢哋嘅音樂令到大家好投入好開心，咁就唔會再咁著重其他嘢啦😙。佢哋真係好專業，每個同事都好親切，performance好好，連我要求嘅club music都做到，好似去club咁，大家一齊跳舞，所以我好surprised好滿意啊😊。