我本身同E Wedding嘅一個同事係朋友嚟嘅，見其他公司有啲貴，咩都要收費，但係E Wedding嘅性價比比較高，所以就揀咗佢哋啦😊。

佢哋有俾啲相我睇下其他嘅外景係點，俾到啲意見我去邊度拍。其實我今年先結婚，佢哋同事好好，提議要早少少影，因為整相簿嗰啲需要時間。如果7月8月去影會好熱，冬天影又會好凍，所以9月10月嘅天氣去影就會舒服啲，最尾我係喺香港嘅戶外影。

影相嗰日化妝師同攝影師都好好啊，攝影師會教我哋擺pose，化妝師又好溫柔好細心🥰。佢哋會send message提我哋當日有啲咩要帶要留意。因為我哋預備咗啲道具，佢哋淨係負責影相，但係都好好咁幫我哋手整道具，令到成個過程好順利，喺時間內都去晒我哋想去嘅地方。我哋要整啲波波，佢哋都唔介意幫手😆。

啲相已經收返啦，比我哋想像中好啊，我哋都好鍾意😍。佢哋整體已經好好啦，諗唔到咩可以挑剔。我已經介紹咗佢哋俾身邊嘅朋友，佢哋過去影完相睇完都非常之滿意啊。我覺得簡單啲嘅新人會比較適合，唔係嗰啲要影幾輯去好多地方嘅。我覺得E Wedding簡單得嚟又靚，性價比比其他高好多，咁嘅價錢有咁嘅服務咁嘅質素真係非常之抵同優惠啦🥳。