LUNA WEDDING
4.6

客戶評語

cheej304
4
精選評語
服務 / 婚宴日期: 2020.04.03
去婚展睇啱LunaWedding,嗰陣林林總總有好多公司,每間都去聽咗,最終覺得佢哋解釋得比較詳細,價錢各方面都相宜,所以就揀咗佢哋啦🥳。我係舊年9月去咗婚展就覺得用呢間,跟住12月再上到去佢哋嘅studio傾,已經諗好係咩plan,佢哋就好仔細咁講返啲plan同價錢係幾多,再隔多一個月就開始揀衫,...

去婚展睇啱Luna Wedding,嗰陣林林總總有好多公司,每間都去聽咗,最終覺得佢哋解釋得比較詳細,價錢各方面都相宜,所以就揀咗佢哋啦🥳。我係舊年9月去咗婚展就覺得用呢間,跟住12月再上到去佢哋嘅studio傾,已經諗好係咩plan,佢哋就好仔細咁講返啲plan同價錢係幾多,再隔多一個月就開始揀衫,4月影pre-wedding啦。

佢哋有俾意見可以去邊度影,我想去邊度影都可以提出,最尾就喺香港影。其實12月傾嘅時候都仲係打算去京都或者大阪嘅,跟住去到2月因為日本封關,佢哋就話一係轉日期一係轉香港影,我最後同先生傾完就決定喺香港影啦😊。

影相當日拍攝團隊好nice,都有講有笑,佢哋仲有教我哋擺下pose。化妝師化嘅妝好好,同埋比我想像中快手。最貼心嘅係有疫情嘅時候,正常應該係我哋去問點算,但係反而係佢哋先打電話同我哋講解決方法俾我哋選擇,好上心🥰,減輕咗我哋嘅壓力同減省咗時間,唔洗再諗要點做、揀過第二間或者退款咁。

不過可能攝影師俾嘅指示可以具體清楚啲,因為我唔係做開攝影,就未必get到佢想講啲咩🙈。我會介紹佢哋俾其他人啊,想喺本地影同簡單啲嘅就會建議呢間啦。啲相我哋睇咗排版啦,依家confirm完兩個星期就會收到soft copy啦,啲相係我預期中嘅效果。雖然我呢個package原本係海外攝影嘅package,但係佢哋公司policy嘅關係,要轉返香港影嘅話無得退錢,不過我覺得ok啦😊。

多謝Cheej既評語😍雖然去唔到日本影pre wedding, 不過見到你地係香港都影得開心, 我地就放心喇😆放心!我地會同攝影師反映返你既意見,希望可以提供更好既服務比新人🙇預祝你哋新婚快樂,百年好合!