唯美主義嘅婚紗同我嘅style一致，佢哋好識得搵我心水嘅衫，我只要同佢哋講想要嘅款式同顏色，佢哋就會好盡力咁幫我搵到，好細心咁樣按我嘅身形同心水揀到我鍾意嘅衫，仲周不時鼓勵我減肥😂，等我着起婚紗都靚啲！佢哋嘅婚紗款式多，無論係復古定係宮廷風，男禮到爸爸媽媽衫都有添😊！

我喺佢哋度訂咗鮮花花球同襟花手花，keep到夜晚仲好新鮮好靚，仲會按我嘅要求tailor-made添🥰！

佢哋嘅化妝師化得我好靚，同佢溝通過自己想要簡單嘅style，試妝嘅時候已經覺得唔錯，big day嗰日直情滿足晒我嘅要求添！我仲要讚佢真係好快手，完全幫我追咗好多overrun嘅時間😁！

攝影師係拍攝pre wedding期間會氹我哋笑，指導我哋擺pose，我老公喺擺pose同表情方面唔係好叻😅，攝影師一路guide住我老公點做。同埋我哋喺拍攝地點冇咩idea，佢哋好盡心咁樣suggest我哋幾個地點添，最後嘅成品好靚，符合我想要嘅嘢😍！

我覺得佢哋嘅一條龍服務好方便，唔使左搵右搵唔同嘅商戶，啱晒啲唔鍾意麻煩嘅新人😎！