有朋友係France Bridal 度影過婚紗相，喺IG同Facebook都見過佢哋嘅作品，加上婚展優惠，所以就決定用佢哋啦😚！本身我哋打算喺內地影婚紗相，但係礙於疫情封關關係，最後就決定喺香港影啦。France Bridal 真係好好❤️，因為婚期好急，我哋要求佢哋兩個月內趕到輯相俾我哋，佢哋二話不說應承，仲唔額外收費添！

我哋選擇咗戶外拍攝，但係拍攝前幾日都落雨，France Bridal 幫我哋諗好晒解決方案。Package 入面包一套自備便服，我哋揀好便服之後影相俾佢哋，佢哋好好咁幫我哋襯埋衫，俾咗好多建議我哋，好細心👍。化妝師超級好，因為拍攝當日有毛毛雨，除咗影相之外，化妝師全程幫我撐住把傘☔，又會留意我使唔使補妝，件衫整唔整齊，仲不停咁幫我抹汗。攝影師唔會淨係擺拍，唔會話指定某個地方某個動作，反而係仔細咁捕捉我同另一半真實嘅互動，出嚟嘅效果好自然同真實😊。香港比較少公司會影小清新草地風格，如果鍾意呢一類嘅新人就啱搵佢哋啦。