我睇IG嘅時候見到Mr.L 喺外國影嘅婚紗相好靚，同Eric傾過之後，佢嘅風格同埋細心吸引咗我😍，佢唔會話奉承我哋，反而詳細咁解釋俾我哋知詳情，仲會俾意見我哋添，我哋去泥涌度拍攝都係佢介紹嘅。

拍攝過程中，Eric 會不停咁提醒我哋小心障礙物，小心走光等等，我覺得好貼心！拍攝當日天氣非常之熱🌡️，超級曬😎，見到佢大汗踏細汗咁幫我哋拍攝，佢唔理啲汗滴到落隻眼度都繼續幫我哋影相，搞到我有啲唔好意思添！佢會隨時隨地咁捕捉我哋一啲自然嘅動作，例如飲水同抹汗等等。我哋同Eric同埋化妝師好似朋友咁，互相傾吓計，成程都好開心😆！搭車去下一個地點嘅時候，Eric會比我睇返上一個地方影嘅相，會提點我哋表情上面有啲咩要注意嘅地方，仲會親身示範甫士俾我哋睇添！

不過我有個小小嘅建議，就係增加一個助手，Eric 唔使兼顧咁多嘢，咁就唔會咁辛苦啦😉。我覺得young 少少同埋唔鍾意咁嚴肅嘅新人可以搵Mr.L，佢哋會好接納你嘅意見，好似朋友咁相處，拍攝過程好enjoy👍！