我同太太唔鍾意連鎖牌子，因為始終戴一世都想要特別少少嘅款😁本來係target日本整嘅，因為覺得質素好少少。我地第一次去到嘅時候,staff仲serve緊其他客，都有叫我地可以隔一陣先再返黎，唔洗我地白等🤣我地隔半個鐘之後返黎就到我地啦，staff好有禮貌同耐性。會解釋唔同牌子嘅分別係邊、特點係咩，咩人會適合咩類型。假設個客鍾意平實款，就會再推介款比佢😌佢哋款式比較適合年輕人，亦都有好多唔同品牌同種類。鍾意sharp✨嘅又有，鍾意平實嘅都有！我地揀好之後幫我地登記、加碎石，成個過程都好清晰。比我嘅感覺係佢哋無論知識、禮貌、態度都好好👍🏻我地去個日得一個staff，所以佢都好吃力，但之後再去又見到2-3個staff係度，所以如果佢哋人手調配方面改善下應該就冇咁辛苦！始終我見到都不斷有客walk in想睇😊我地好遲先訂，以為會趕唔切，但點知都可以係預期時間內攞到！佢哋售後唔錯，如果兩年後花咗都可以幫我地保養！對比大型連鎖店，佢哋價錢真係偏高嘅，但我覺得成個購買體驗係值得嘅！！