我地pre-wedding、註冊、擺酒都係搵First Love Pictures幫手🤩一開始係決定咗big day日子之後就搵公司傾，我地睇過佢哋嘅sample，決定再上studio傾💭傾嘅過程大約都了解到佢哋big day嘅video會拍類似婚禮前傳嘅片。🙈佢地有即場比我地睇sample，睇完之後我同老公覺得價錢相宜，而且成品都okay就直接訂🙆🏻

我地pre-wedding去咗沖繩同香港。沖繩影嘅時候係陰天☁️有少少雨☂️但佢哋影嘅效果都好靚，除咗陽光冇咁充沛之外, 其他都冇咩問題，好似冇落雨咁，感覺好唯美🌟係香港影都影咗大半日，由11:00am開始到5-6:00pm左右。pre-wedding比我嘅感覺係佢地會研究每一個角度，睇下點影會好啲，動態嘅靜態嘅都有😌成品構圖好好，雖然可以揀嘅相唔係特別多，但當啲相拼湊一齊之後就有一個好好嘅storyline🥰

我地係4月尾註冊，但都係3月尾先決定唔擺酒。佢地就有suggest我地分兩日搞，一方面唔洗用咁多錢，另一方面就係時間可以唔洗咁緊迫🧐註冊就淨係註冊，出門就留返big day先搞，所以註冊日都好悠閒，唔洗太早起身化妝😬當日雖然有兄弟姊妹幫手，但攝影師都會教兄弟姊妹有咩要留意，同時又幫手控制流程，有佢地係度，成個感覺好安心💗