Mayona Wedding Boutique
4.8

客戶評語

Sing152021
5
服務 / 婚宴日期: 2021.07.05
首先我係比Mayona嘅價錢吸引到,覺得咁嘅價錢有化妝師同租衫真係幾抵,所以當初真係冇諗咁多就決定用佢。我淨係睇過下啲圖同化妝嘅相,連佢哋鋪頭係邊都唔知,真係幾大膽。😜甚至乎我係比完錢先做research睇下有咩評價,好彩係bespoke依度見到都有唔少正面評價,個心都定少少。😯 第二要讚下佢哋嘅...

首先我係比Mayona嘅價錢吸引到,覺得咁嘅價錢有化妝師同租衫真係幾抵,所以當初真係冇諗咁多就決定用佢。我淨係睇過下啲圖同化妝嘅相,連佢哋鋪頭係邊都唔知,真係幾大膽。😜甚至乎我係比完錢先做research睇下有咩評價,好彩係bespoke依度見到都有唔少正面評價,個心都定少少。😯

第二要讚下佢哋嘅服務態度,亦都係我覺得最重要、最難得嘅部分。未落訂嗰陣,佢哋嘅同事已經比咗好多關於婚紗同妝容嘅意見我。當然會sell下都係預料中事,但至少相處模式舒服唔會好強迫性。🤔同事Fanny會教我點護膚、講解下妝容,我當時都有同佢講怕因為身材唔係偏瘦上鏡會唔好睇。佢就會答我我可以點做,點修飾短處。當時就覺得佢哋好順攤,竟然會咁樂意答我問題,明明我咩錢都未比,🤭亦都係因為佢哋唔會閃閃縮縮,好多嘢都好肯講先令我安心。

去到揀衫嘅時候,我對佢哋啲好似迪士尼公主款式嘅裙心心眼。不過當時係我最肥嘅時候,加上我又有選擇困難症,冇咩信心覺得著乜都唔會好睇。😓係Fanny同Zoe比自信我,會揀一啲啱我身型嘅裙,將我最好睇嗰面襯托出來。我性格亦都係一個好怕麻煩到人嘅,所以一開始都唔夠膽試咁多,🤐反而係Fanny佢哋不斷問我仲有冇其他想試。佢哋係完全唔會因為已經收咗錢就敷衍了事,係會不斷比意見我。

而疫情底下,婚禮改期都係常有嘅事,我都唔例外。當我第二次上去試嘅時候已經知道要改期,但係佢哋依然都係好好態度,叫我試新款,改款轉款都無收到我additional charge。🤗 除咗我揀衫之外,仲有馬褂同媽媽衫嘅。奶奶係改期前已經改好曬衫,但一年後唔啱著,老人家又唔想麻煩其他人所以不斷話冇事冇事,但係佢哋同事Yuki好細心,奶奶都冇開口佢就即刻比多件衫我奶奶試。所以我都好欣賞佢哋唔怕麻煩,最緊要係顧客可以搵到啱心水又適合嘅衫果種心態。😙

其實Fanny本身仲係我big day嘅化妝師,但係因為婚禮改期就唔到時間,唯有佢推介另外一個化妝師比我。最warm嘅係我婚禮當日見到Fanny有私底下whatsapp我化妝師問我個婚禮搞成點。依啲好似都係小事,但每一件小事加埋就可以證明Mayona係幾為顧客設想,事事上心,值得顧客信賴嘅店鋪。