我同我老公都對perfection好滿意，我就係鍾意佢哋嘅衫同staff都好高質；我老公就係覺得佢哋環境好舒服，坐係度等唔會好迫好窄，打機都正啲。😝 我join Perfection之前已經試過幾間鋪頭㗎啦，可能我比較挑剔所以都未有心水。巧合之下就見到Perfection啲相，於是就約上去試。我揀衫嘅時候都係上網睇到咩就想試，以為長袖就可以遮到手臂，之前睇雜誌又見到外國model著得好靚，就心思思想試。😏係Carman話原來越遮會越顯眼，之後就介紹咗幾套衫比我，一試又真係好顯瘦喎，之前果啲鋪頭同Carman真係冇得比。雖然我老公對男裝都冇咩要求，但係佢哋款式都唔少，唔會話好難carry。

😙 除左婚紗之外我又聽到佢哋原來有攝影同花球嘅一條龍plan，就索性join埋，唔洗搵來搵去，而且都係對佢哋有信心。🥰化妝師都係冇得頂，我係試妝嘅時候已經好滿意佢，即日都book埋佢，唔洗再試其他人。我比佢嘅reference，我嘅要求都全部處理得到。我對眼係好難搞，點知佢一出手就搞掂，咁我都冇理由唔滿意啦！🤪

花球方面，我訂咗一個絲花球同兩束鮮花束。我嘅絲花球唔係傳統嘅球型花球，係歐式花球，有花又有草，連攝影師都讚靚。至於訂比媽咪同奶奶嘅花束，由於要確保新鮮，所以都係結婚當日先整同攞，佢哋係唔包送貨嘅。一係就加錢送，一係就安排兄弟攞。🧐 攝影師方面，我個package係1p1v，佢哋好似大妗姐咁不斷講吉利說話氹到我爸爸媽媽好開心，令成個氣氛都好活躍。大合照、外景相攝影師佢哋都影得好多，出門、lunch都跟得好貼。😚佢哋咁正，其他人自然係有目共睹，我姊妹後來都join埋佢哋添啊。