我本身都有做業餘MC，就係因為都有少少認識所以對自己婚禮就希望可以盡善盡美。我認識Potter嘅契機都係因為幫朋友婚禮手做MC，Potter佢把聲好入Mic好舒服，再加上都幾高大靚仔。😎當時已經好欣賞佢嘅專業態度，所以決定結婚嘅時候都要搵返佢。😁

Potter嘅專業可以係細節體現到，例如係佢除咗會係whatsapp group add我同我先生之外，仲會add埋攝影師。目的就係我唔需要做中間人，將啲訊息傳來傳去，而且商量時間方面都可以更加有效率。😌而愛情故事方面，我當時唔希望千篇一律，Potter於是慢慢引導我同老公去諗返以前嘅深刻回憶、欣賞對方嘅咩特點等等。我覺得最難嘅係單憑一個人就要引起在場賓客嘅共鳴感。🧐 以前MC好多時候都係兩個一齊有互動，但係Potter係一腳踢，要同賓客有互動係比較難。而佢就會運用我同老公一啲大家都知嘅事，例如係我同老公一齊去skydive咁。雖然大家都知skydive係咩，但係要做到引起共鳴，令大家更投入，佢就會講啲其他人都唔知嘅細節或者係加強刻劃畫面感。😚當時佢有話到我哋係1萬4000米嘅高空玩skydive，令到賓客都想像到同埋感受到氣氛。

Potter除咗細心之外，都好清楚我想要咩。佢知道我好重視友情，就會係安排到我進場嘅時候好似成班兄弟姊妹一齊迎接我哋咁。🎉 Potter佢真係好helpful，就連斟茶嘅時間都安排的好妥貼。有啲人可能會覺得唔需要請MC，但其實多個人幫手統籌、處理事係輕鬆好多。尤其係Potter咁有經驗，我真係好放心交曬啲嘢比佢in charge。💜我仲有介紹Potter比其他新人添，因為佢真係好好，你問嘅問題佢一定會解答，又會做好多extra嘅嘢幫手，唔讚唔得啦～