我聽身邊都有朋友介紹過Palette嘅wedding planning，都係話覺得佢哋嘅服務比較周到，好留意到細節都好主動幫你處理，係join佢哋之後的確都有同感。😉Covid之前我已經接觸佢哋，當時就有半日\full day\2 weeks\全過程嘅package選擇，我係權衡之後就揀咗2 weeks嘅plan。Join咗之後覺得好似join全過程一樣，因為佢哋前期籌備工作的確都跟得好貼。 仲要早2個月已經開始幫我做嘢，幫手contact其他商戶，逐個逐個開獨立whatsapp group make sure佢哋嘅嘢係on schedule，好多嘢都已經reconfirmed。

佢哋係婚禮前1個月就比咗rundown template我，再根據我哋喜好更改。不過反而係big day當日有啲甩漏，雖然話未擺酒但係我已經生咗小朋友㗎啦，都會想同小朋友影相，但係就冇同帶小朋友來嘅人communicate好，唔知道小朋友幾點來，然後lunch又遲咗，最後就導致我冇得同姊妹影相有啲可惜。第二個位就係因為covid我分咗4間房擺，但係我臨尾換完衫出黎就唔見曬其他房嘅賓客，期間都冇人提醒過我，咁我就冇咩同到賓客傾計。🙈係依兩個位可以改善下、留意下。 至於我話佢哋會處理細微位就係Zoe之前會提我派利是，講埋準備幾多、利是要幾錢。Seating plan又會幫手整，有咩deco公司唔包嘅嘢都會比suggestion我甚至係幫我買埋，仲有派餅公司都係佢介紹嘅。😎我自己就覺得佢做嘅嘢係超乎我嘅想像，而且好樂意做，好為客人著想。

總括來講，我覺得佢哋都係專業嘅，會留意得好detail，知道有咩位好容易比新人忽略然後再會提一提佢哋。