係搵到S.A. Weddiing之前我幫襯咗間黑店，開頭咩都唔知，中伏果下先走去search佢啲嘢，發現果間已經有好多前科。好彩嘅係我攞得返啲相，不過都係唔滿意，所以都要搵第二間。經過上次教訓，我認真做research，係多方比較之下發覺S.A. Wedding唔錯，好多人讚佢哋而且佢哋嘅韓式風格絕對係我要嘅嘢。

我上到去做consult嘅時候，佢哋同事都解釋得好詳細，唔會話有隱藏收費。就算疫情都有keep住follow up，update我哋唔同嘅資訊。有咩唔明、有咩問題都可以問，而且好快就會收到回覆，唔會冇咗影。

我join嘅套餐係包埋衫同化妝師，上去試衫嘅時候見到佢哋嘅衫全部都好新淨，款式都係多到數唔曬。我揀咗2婚紗1男禮，我另一半瘦底所以係揀衫嘅時候冇太大問題。我呢就有啲肉底，佢哋員工都會適當提點，例如講某一類型嘅裙蝦人著，要考慮清楚等等，佢哋貼心到nude bra都會教埋我戴。

不論係攝影師定化妝師都好pro好盡責，化妝師會問我想要咩風格，又會幫我準備埋頭飾，當日化妝都係不錯嘅。雖然話我有影pre wedding嘅經驗，但係上次果個真係不要再提了，都係好普通嘅動作，但今次嘅pose都係特別啲，唔會一式一樣。咁當然，我影之前都會睇佢哋reference，話比攝影師知大約想要咩風格，所以大家配合度都ok。

同埋其實果陣政府突然放寬少少限制，我就諗住唔好煩唔想拖就決定補擺酒，但係就延伸到一個問題，就係我其實係7月係S.A Wedding 影，9月就擺酒，所以真係好急。S.A.佢哋係好趕嘅情況下幫我處理好曬相、相架各樣，雖然之前佢哋都有講過未必出得切相簿之類，但最後都係盡趕比我哋，真心感動。

所以S.A. Wedding同之前果間真係高下立見，各方面都好好，仲要我當初even攞得返之前啲相，最後都係比果間走咗我相架同相簿，大家真係要做足功課呀！