我嗰時想搵啲姊妹裙款👚係可以分開上下兩件，因為希望下面條裙佢哋可以之後改短都再着到出街環保啲，結果終於喺婚禮市集度認識到M Li workshop佢哋都有類似嘅款式，所以真係一拍即合😁！ 佢哋仲可以再獨立設計同埋度身訂造，我就同啲朋友講話條裙佢哋可以嘗試自己設計💪🏻，佢哋都有試吓畫張圖send比佢哋，又真係整到出嚟喎，真係好神奇！！🤩❤️我覺得佢哋好樂意幫忙同埋尊重客人，唔會話「吓？整唔到㗎」或者話「冇呢啲款」咁。姊妹裙出到嚟效果好好，啲朋友都好鍾意同好滿意💯！

我婚禮係分開兩場，一場親戚就擺酒，一場朋友就cocktail party，親戚嗰場就比較full gear，姊妹們都係長裙同埋set晒頭🎀，然後cocktail party佢哋下身就著牛仔裙，姊妹裙件TOP都夾到👍！ 除咗訂造姊妹裙，我自己仲喺佢哋嗰度租咗婚紗，自己＋姊妹＋媽媽＋奶奶嘅化妝，仲有cocktail party嘅cocktail bar tender服務，覺得佢哋真係好犀利，乜都有咁🥰。

其實除咗M Li Workshop嘅婚紗，我仲租咗好多唔同嘅婚紗同晚裝（攝影公司嗰邊有包），但我最後都係揀咗喺佢哋度租嗰件，覺得著上去佢哋嘅款式走簡約風最啱自己年紀😆。 媽媽同奶奶嘅妝佢哋都覺得好靚好襯佢哋，我自己個妝都覺得好滿意💯，好優雅但又感覺年輕😍。

最後要提嘅係佢哋連run down都有幫我哋望吓，佢見到我哋朝早兄弟姊妹嗰啲影相時間應該會好趕，就提我地要唔要預鬆少少😏。好在我哋有改動到，之後啲時間就啱啱好😉。我覺得佢哋真係一間所有嘢都以新人為先嘅公司，非常推薦～❤️