Mayona Wedding 好有耐性咁聽我哋想要嘅款式，同事會因應身型同喜好俾建議我哋。最重要係我哋覺得完全冇壓力，唔會逼我哋即刻做決定，仲鼓勵我哋慢慢揀☺️。同事會主動叫我哋 send 啲心水款俾佢哋，再俾返意見我哋。即使有啲款式未必即時有，同事都話可以交俾團隊諗，盡量搵到我哋想要嘅衫👍。價錢方面我哋覺得都幾合理，明碼實價，冇隱藏收費，啲package 寫得清清楚楚，例如係包幾多條裙，之後唔會再亂加錢。呢點我幾欣賞❤️，因為我哋結婚都有預算，如果突然加好多額外收費會好頭痛，而Mayona Wedding一早就講清楚，感覺都好可靠😜。

試裙過程當中，Mayona Wedding亦都幾細心。有一次改完條裙之後，我啲骨位有少少頂住，同事即刻幫我改返，仲建議我有時間再上嚟試多次，確保最後攞走嗰日係最 fit。就算試多幾次，同事都唔會嫌麻煩，仲鼓勵我哋再confirm多次。同埋我哋件恤衫其實唔係喺佢哋到買，但佢哋都肯幫手改，務求當日著得好睇，完全冇額外嘅收費，呢啲位真係好貼心🤩。另外，Mayona Wedding會keep住入新款。就算我哋已經揀咗衫，同事都會通知我哋有新貨，叫我哋可以再去睇😝。感覺團隊唔會覺得煩，反而係真心想我哋揀到最適合自己嘅衫☺️。我自己都轉咗幾次款，直至婚禮前兩個月先揀到最滿意嗰條裙，同事都好包容。款式選擇方面，我覺得婚紗同晚裝已經好齊全，基本上我哋諗得出嘅 style，Mayona Wedding都搵到類似嘅俾我試。西裝方面更加有驚喜，因為一般婚紗鋪嘅西裝唔多款，但Mayona Wedding成日都有新款，令先生有更多選擇☺️。環境方面，Mayona Wedding嘅試身空間夠大，我可以帶埋屋企人一齊去，唔會覺得逼。相比起其他樓上鋪，呢到舒服好多🥹。如果佢哋喺社交媒體更新多啲嘅話，客人可以睇到更加多新款，唔洗去到舖頭先見到，更加方便新人🌟。