【結婚囍字貼法】男家女家都要識 結婚囍字5大禁忌+貼士|幾時才可撕下來?

結婚是人生大事,婚前一晚必然會做一個指定動作,就是貼囍字!關於這一個環節,老人家為了吉利及好意頭就非常講究,年輕一輩的新人都不可以不知呢!有人話:「貼錯結婚囍字比選錯吉日更慘!」編輯準備5大結婚貼囍字的禁忌及注意事項,準備結婚的新人們要留意啦!

 

禁忌1:「囍」字一定要雙數

入門級的知識,貼囍字貼總數一定要為雙數,有喜慶吉利、好事成雙之意。而貼囍字,保持水平位置貼正就好。另外,囍字貼撕下來了就千萬不要再補貼上去,再貼喜字有再婚之喜的意思,別犯了這個小烏龍!

 

禁忌2 :男家 VS 女家!貼「囍」字順序大不同

男字囍字從外向家貼,因為男家娶媳,從外面娶新抱入門,「囍」字由門外的走廊貼返入屋。而女家貼囍字,就跟男家相反,因為女兒是嫁出去的,因此從家裏往外貼。

 

禁忌3 :結婚「囍」字不能倒貼

一些人以為新年常貼「福」字倒着貼指「福到」,那麼結婚使用的「囍」字倒貼就是「喜到」?絕對錯誤!傳統認為,倒貼「囍」字即指倒下來的霉氣,與貼不隱一樣,是不好的兆頭。


 

禁忌4:不同囍字貼法有不同的象徵

門、玻璃、窗戶:端正規整大囍字。

鏡子:龍鳳圍繞的囍字,寓意龍鳳呈祥。

床頭:有娃娃的囍字,寓意早生貴子。

電視電器:喜鵲圍繞的囍字,寓意喜迎吉慶。

燈罩:心形雙的囍字,寓意心心相印。

微波爐、冰箱、廚房用具上:含有游魚的囍字,寓意年年有餘。

 

禁忌5:切忌完婚第二天就撕走

現代人可能覺得完婚後,就可以清理現場,但盡量不要馬上把囍字貼撕下來。在習俗上,囍字象徵喜氣,剛剛新婚,別那麼快就把喜氣溫暖扔走,意頭不太好。不過,若阻擋住你日常生活的囍字貼,如鏡子或家用電器等,可以第二天撕走。其他囍字應等一個月後再撕下來。


除了貼囍字的禁忌,還有2個囍字小貼士要告訴新人們。

 

貼士1 :婚禮前一天貼囍字

貼囍字一般都會安排在婚禮前一天,時間會充裕。事實上,也有的新人會選擇在第二天早上才貼都無問題,時間上較急。

 

貼士2:推薦無痕囍字貼

有不少新人都驚囍字貼會留痕,不妨試吓靜電貼,適用於玻璃、鏡子、金屬、木門上。用抹布稍微抹下即可貼上,非常方便。另外,blue tape(萬用膠)都非常好用,這種膠對牆面的損傷較小。

撰文:婚享會 Bespoke Wedding 編輯部

圖片來源:網上圖片

分類: 
婚禮籌備

【韓國婚攝騙案】18萬FANS黑店!中伏苦主:就結婚都未有相,好後悔貪平…

影婚紗相是新人來說是結婚的重頭戲,將一生一次的婚嫁甜蜜留念,把愛情定格在最幸福的一刻。不過,對某些新娘而言,影婚紗相竟然是惡夢的開始,今早(11月6日)有新娘子(苦主Kamen Cheung)遇到婚攝黑店,於網上討論區平台鬧爆某一間韓國婚紗攝影公司,列舉出4大罪狀,各位想揾婚攝公司的新娘子一定要留意下文,以免中伏!

 

罪狀 1 : 有拖無欠!拖相拖到就結婚都未有!

結婚本身已經很多煩瑣事務須要處理,偏偏遇上伏店,大呻陰公!苦主當時以VVIP價$16,900購入婚攝套餐。

然而,今個月13號(11月13日)就到Big Day,距離大日子至今剩返一星期時間,竟然一張結婚相都未到手!這間韓國婚攝公司(WeddXXX JXX 6)由7月拖到11月,有拖無欠,拖到現時都未有婚攝相收到。店家諸多借口,一時又話相簿未整好,一時又話韓國中秋要放假,交貨日期瘋狂推遲,新娘已打定輸數,明言:「預咗唔會收到成品!」

罪狀 2 :  玩失蹤!

這間韓國婚攝公司,在Facebook坐擁18萬FANS,不過又如何?服務質素及保證都不見得好。苦主近幾個月苦苦追問婚攝相片的事宜,最後竟遭到封鎖!Wtsapp 和 Facebook 一齊 Block,該婚攝公司誠信破產。

 

罪狀 3 :  不只一人中伏

曾經幫襯過這間韓國婚攝公司的客人,都有試過中過伏!她們建立「苦主群組」,有人過左婚期都收唔到結婚相,也有人等原圖修圖等了幾個月!

 

罪狀 4 :  小心香港無辦公室的婚攝公司!出事後投訴無門!

幸好苦主本身影了兩輯婚攝,還有揾另一攝婚攝支撐一下場面,否則真令下星期的大日子失色不少。當然唔係個個新人都有兩手準備,大家在購買婚攝 Package 前記得參考一下商户的評價(全港新人婚攝評價傳送門),切忌貪小便宜而不小心選擇咗間黑店。

 

尤其是跨國的婚攝公司,香港無辦公室的商户,口頭上話撤出香港市場,實質周轉不靈,消費者出事後投訴無門,消委會都未必幫到手,得不償失。

 

撰文:Bespoke Wedding 編輯部|圖片授權:Kamen Cheung|圖片截圖:討論區

 

婚享會 Bespoke Wedding 是香港網上一站式的婚禮資訊平台,提供婚宴場地、婚紗攝影、場地佈置、囍帖印刷或婚宴評語的最新資訊,秉承 100% 真實婚禮評論的信念,旨在幫助一眾新人輕鬆地籌備人生大事。

立即登記,發表評論:photo.bespoke-wedding.com/

 

參考文章:

【婚禮當日攝影】2018香港婚禮攝影TOP 4排名 | 新人真實評語:唔好貪平,最高質係…

分類: 
婚禮籌備

【選姊妹裙4大要點】歷屆明星婚禮上災難級姊妹裙!最忌...

關於姊妹裙點揀呢一環,實在比起自己揀婚紗更困難!揀得靚,又怕被搶風頭;揀得普通,又怕被姊妹暗暗嫌棄!唔想同人地一模一樣?就要留意以下幾個Tips,教你揀出令人「叮」一聲嘅姊妹裙款式。

 

01. 揀同款易出事?

出席人地婚禮又好,上網睇人地婚禮都好,普遍都係粉色系,飄逸雪紡、仙子感重既姊妹裙成為大熱首選。但我曾經聽過一個真實經歷,喺大旺日,同一時間,同一個地點,有幾十對新人加佢地嘅兄弟姊妹出門口,當大家嘅姊妹都係著同款裙嘅時候,情況混亂,竟然有姊妹認錯人、上錯花車…可能同兄弟姊妹剛剛認識唔太熟嘅關係,但實在太可怕了!!!

 

解決方法 1 :

喺芸芸「同色同款」嘅姊妹當中特圍而出,新人可以為佢地加一𠺌獨特嘅NAME TAG同或小配件。例如:可以將手花變成襟章,或者好似而家天氣涼左嘅時候,為佢地加番件特色既外套都會令人眼前一亮㗎!

 

解決方法2:

近年喺歐美都興玩不同嘅顏色,要襯款,例如:新娘子要揀同色嘅姊妹裙的話,都可以考慮以「由深到淺」嘅色調配襯,比起單一色調更為吸睛!

 

02. 揀錯款,姊妹敢怒不敢言?

好多新娘子事前都會將姊妹裙款做到一模一樣,望上去整整齊齊。但其實每個女仔嘅身型都有唔同,就好似瘦削嘅女仔唔會想著Deep V,腳粗嘅女仔唔會想著短裙一樣!有時喺網上不時都會見到姊妹喺朋友婚後討苦水話其實自己唔鍾意裙嘅款式。

 

解決方法:

婚前新娘子可以的話都盡量同姊妹Gathering,除左邊食邊講下Big Day當日點樣「作弄」一班男士之外,作為貼心新娘子就要就喺呢個開心氣氛之下,順便同姊妹一齊了解下你心儀嘅姊妹裙款色。經投票之後,再按各人需要作出調整,咁大家都會覺得你係一位非常sweet嘅新娘子!

 

03. 布料、色調最忽略?

好多時揀姊妹裙款都係以款式主導,其實布料同色調反而更需要考慮周詳。好似近年鍛布大行其道,挺身得黎又得體,成為了唔少新娘子首選布料之一。但試想像,姊妹們當日不停為你工作、奔走,鍛布相對重身嘅布料又係咪適合呢?色調方面,可能大家都會覺得相比起款色嚟講,略為唔重要,但如果係行型格線,鍾意冷色系如黑色嘅新人就要注意喇,結婚始終都係喜事,都要請示下四大長老嘅意見呀!

 

04. 實戰經歷!外在美定與實用性高並重

Girls!!! 你有無數過自己究竟有幾多條姊妹裙最後係扔左喺衣櫃,最終不見天日?我就實在太多喇! 為免出現浪費嘅情況,我一早已經諗好要揀一件著得番嘅姊妹褲!!!因為姊妹當日為我奔波,為左方便佢地,我就特登選擇左JUUMPSUIT,望上去得體之餘亦有型格感。

 

完婚後,咪以為呢件JUMPSUIT就從此長眠衣櫃,其實佢重著率好高架,好似平時出街著呀,公司ball都可以著得番,真心唔浪費!唔使同堆填區做朋友!

撰文:駐場Blogger - 人妻搜記

圖片來源:駐場Blogger - 人妻搜記、網上圖片

分類: 
婚禮籌備

【結婚習俗與禁忌】新人必看!九成新人會忽略的 14個婚嫁禁忌大公開

在婚慶的大場合,難免會有些傳統習俗需要跟足。結婚是人生大事,現代人可能講求快速往往忽略了傳統的禁忌。編輯部整合了14個九成新人都不知道的婚嫁禁忌,一一告訴大家。

 

第一部份:結婚前

 

1. 農曆七月忌結婚

農曆七月是「鬼月」,在傳統習俗上是陰氣較重的月份,長輩覺得此月不適合辦各種喜事。當然相對來說,農曆七月的結婚開支會比較平,新人要慎選啊!

 

2. 傳統中孤鸞年不宜結婚?

年青一輩應該少聽甚或不在乎「孤鸞年」的由來,傳說孤鸞年結婚,便難以白頭偕老。其實每隔2至3年就會有孤鸞年出現,有不少藝人都在孤鸞年結婚,到了現在都感情好好!

 

3. 雙春閏月年都不代表好?

素來雙春和閏月皆是宜嫁聚,由於一年出現兩個春,意指喜上加喜。而另一邊廂則覺得,雙春閏月有淫亂意涵,表示桃花不止一朵,婚姻不安定,可能有外遇,不利婚姻。

 

4. 囍字切記不要倒貼

不要以為字相同,倒著貼有囍到福到之意,其實字則剛剛相反,囍字倒貼或沒貼實而掉下來有嗨意之意。

 

 

5. 新人在婚前1個月及婚後4個月禁止參加任何婚喪喜宴,避免造成喜沖喜的狀況發生。

 

6. 新娘新郎不可吃自己的喜餅,否則把自己的喜氣吃下肚。

 

 

第二部份:結婚當日

 

7, 未就寢前,新娘不可躺下,否則有一天到晚病倒床前之意。

 

8. 新娘出門上車前,「姑姑」、「嫂嫂」要迴避,不能相送 ,因為「姑」與「孤」同音,「嫂」與「掃」同音。

 

9. 任何數字,以雙數為佳

雙數有雙雙對對之意,可以讓新人雙宿雙飛。同時,切忌以4為倍數的計算單位,4的諧音是死,對新人不好。

 

10. 新娘的衣服是不可有衫袋

避免把娘家財氣帶走,現時很多婚紗的設計都是沒有口袋,不須過份擔心。

 

11. 生肖屬虎的親朋好友不可進新娘房

避免兇惡的老虎會吃掉新娘的神,為新娘帶來不好的影響。假若新娘本身屬虎,則要找2位屬虎的朋友,2隻老虎必打架,但3隻老虎讓婚禮甜甜蜜蜜,最多以6隻為上限。

 

 

12. 禮堂上最忌鮮花

鮮花容易凋謝,寓意不吉祥,只有蓮蕉花及石榴花不忌,前者喻意閨女出嫁,後者喻意多子多孫。

 

13. 交換戒指時,盡量不要把戒指戴到底

「把戒指戴到底」意思被對方吃定,通上新娘才會把新郎的戒指戴到底。

 

14. 結婚當日不可脫婚紗

將結婚當日的婚紗脫掉有再婚意思,相當嗨氣,要直到敬酒才換禮服。

 

 

看完以上14個結婚的習俗和禁忌,遵守禁忌是好事,太過頭可能是壞事。始終結婚是兩家人的事,好好溝通,帶來美滿的果效。

 

撰文:婚享會 Bespoke Wedding 編輯部

圖片來源:網上圖片

分類: 
婚禮籌備

【中式喜帖寫法+格式】派帖原來大有學問!結婚請柬喜帖 格式14大注意事項

在這個連信都懶得寫的年代,印刷請飲喜帖絕是一門高深的學問。要寫一封正統的中式喜帖,由信封至內容,詳錄以下的格式要大家參考,保證如何不失體面。

 

喜帖的基本資訊


01.  婚禮及婚宴日期及時間(公曆與農曆)

-啟事語 (「謹訂於」、「謹詹於」)

-舉行婚禮日期


02. 新人名字(男右、女左)

撰寫中式喜帖內文,在新人名字之上,會根據他們家中的排行,相對應地加上稱謂。要留意的是:新郎的姐姐及妹妹並不計算在內;而新娘的兄長及弟弟也要剔除。可參考以下有關排行的寫法: 

長男:家中兒子排行最大 
次男:家中兒子排行第二 
三男:家中兒子排行第三 
四男:家中兒子排行第四 (之後排行如此類推)
幼男:家中兒子排行最小 
小兒:家中只有一位兒子 

(姐姐及妹妹並不計算在內)

長女:家中女兒排行最大 
次女:家中女兒排行第二 
三女:家中女兒排行第三 
四女:家中女兒排行第四(之後排行如此類推)
幼女:家中女兒排行最小 
小女:家中只有一位女兒 

(兄長及弟弟並不計算在內)


03. 註冊及婚宴地點

-啟事語(「於」、「在」、「假座」)

-結婚或訂婚

-舉行婚禮地點典禮名稱款待方式(「敬備」、「謹備」加「薄酌」、「茶點」之類,如時間與典禮不同,應先註明)

邀請語(「恭請」、「敬請」、「敬希」、「恭候」、「台端」、「闔府」加「光臨」等)

 

時至今日,證婚的模式變得愈來愈多,慣常地新人會選擇於早上在婚姻註冊處舉行證婚儀式,晚上於婚宴場所設宴。部分新人會選擇聘請證婚律師於晚上開席前,在婚宴場所證婚;或已在海外註冊,只是回港設宴。有鑑以上3種不同證婚安排,以下提供各自的寫法。

早上證婚、晚上設宴例子:

謹訂於(日期、時間)為(新人名字)在(證婚地址)舉行結婚典禮是晚假座(婚宴地址)敬備喜酌

 

晚上同時證婚及設宴例子:

(時間)舉行證婚儀式
(時間)晚宴

敬請賜覆


已在海外註冊、回港設宴例子:

寫在內文與下款之間空白位置:結婚典禮已於(日期)在(證婚國家及地區)舉行

 

04. 恭候及入席時間


05. 雙方父母的名字

根據傳統文教,婚姻乃父母之命、媒妁之言,所以喜帖都是以新人父母的名義發出。就要喜帖中「四大長老」的名字上,加入「承嚴命」、「承慈命」或「承嚴慈命」等字眼,表示這宗婚事得到祖父母同意並由他們公佈。

承嚴命:祖父健在 
承慈命:祖母健在 
承嚴慈命:祖父母健在(只適用於新人的祖父母,並不包括外祖父母)

 

06. 下款特別處理

喜帖下款一般以新人雙方父母署名,但面對特殊情況,如父母已離世或離異,可以作以下處理。


父母離異:照樣寫上雙方名字,惟母親名字不須冠夫姓。
新人其中一位父母已離世:請帖下款毋須加上其名字。
新人的父母皆已離世:可由叔父、伯父或長兄以其名義發帖,或考慮以新人自己名義發帖。帖文開端只需改為「我倆謹訂於…」,而下款將改為新郎、新娘的名字即可。

 

07.  電話格式

部分新人會在帖上印上男、女家聯絡代表的手提電話,方便賓客因要事而需要聯絡。電話號碼以中國數字顯示,並以「乾宅電話」代表男家、「坤宅電話」代表女家。

 

囍帖信封必備格式

最基本的囍帖信封寫法,只需謹記以下5點必備格式: 


08. 送呈:

敬語,指派帖者恭敬地遞上囍帖,一般寫在信封右側中間位置。

 

09. 台啟:

啟封詞的一種,表達派帖者對收帖人的敬意,寫在收帖人全名之下。

 

10. 賓客名字:

撰寫賓客名字以全名為準,並加上先生、女士、小姐等稱呼。

 

11. 賓客稱謂:

如收帖人為親人,則需加上稱謂。

 

12. 闔府統請:

要同時宴請收帖人的家屬出席,應在信封的左側加上「闔府統請」四字。

 

13. 賓客稱謂及格式 

給長輩 

以父母名義發帖:(男性長輩全名)先生、夫人台啟 

以自己名義發帖:(長輩稱謂)(男主人全名)鈞啟 

給平輩、晚輩 

平輩如未婚:(平輩全名)先生或(平輩全名)小姐台啟 

平輩如已婚:(平輩全名)先生、夫人台啟 

 

14. 啟封詞與收帖人關係: 

鈞啟:適用於收帖人為長輩或上司、師長 
台啟、大啟:適用於收帖人為平輩 
啟:適用於收帖人為晚輩 

切記的是,如要派帖給已婚女性長輩如阿姨、姑姐等,收帖人都應以其伴侶為主,如姨丈、姑丈全名,而非阿姨、姑姐的名字。 

 

撰文:婚享會 Bespoke Wedding 編輯部

圖片來源:網上圖片

分類: 
婚禮籌備

【新娘婚前減肥餐單】不需捱餓兼且不反彈!凱特王妃3個月減10公斤 連婚戒都改細!

氣質優雅嘅凱特王妃3次誕下小王子小公主們,身材依然超fit,手腳纖細,很難想像原來佢以前居然肥過?!當時佢喺大婚前仲係baby fat嘅凱特王妃,全靠以下呢套「歐洲飲食法」減走多餘贅肉,唔需捱餓兼且唔反彈。依家即刻公開佢婚前減肥餐單,益吓一眾平民新娘子!

 

凱特王妃其實就是使用法國醫生Pierre Dukan所創的「 Dukan飲食法」,深受歐洲人歡迎,呢個餐單最大特色係不捱餓、不復胖。

 

第1階段:大量攝入蛋白質和低糖分蔬菜

第1階段只持續7 天,能迅速降低體重。重點係吃蛋白質,唔需限制食量,但也唔建議暴飲暴食,以正常嘅食量為主。

1. 以去脂肪、低卡蛋白質的食物為主,不限制進食量。

2. 肉(最好是牛肉)、動物肝臟、魚、甲殼類、去皮家禽肉、蛋、豆腐、無糖豆漿、脫脂的乳製品。

3. 一日至少1.5公升的水

4. 補充1.5匙燕麥幫助排便。

 

第2階段穩進期:搭配低澱粉蔬菜

第2階段嘅重點在於穩定體重,需要稍長的時間來適應,大約要持續3至4星期左右,體重會慢慢但是穩定的下降。在這個階段就要加入,食用低澱粉的蔬菜,建議是以1天吃純蛋白質、隔日吃純蛋白質加蔬菜的方式輪流交替,口味稍微多樣,對養成習慣也較有幫助。

1. 第1階段的蛋白質

2. 低澱粉蔬菜:番茄、小黃瓜、白蘿蔔、菠菜、蘆筍、葱、四季豆、香菇、芹菜、茄子、青椒、生菜等。

3. 不可吃的蔬菜:蕃薯、南瓜、粟米、芋頭、馬鈴薯等。

 

第3階段鞏固期:加入少量澱粉食物幫助不復胖

這個階段主要是在幫助你維持理想體重並且不復胖,此時應該已到達理想的體重,就可以慢慢把少量澱粉和水果帶回飲食中,讓身體忘記復胖。實施的天數就是第二階段每降低1公斤,第三階段就需要實施12天以此類推,例如:第二階段瘦了4公斤 就必須施行48天的第三階段。

1. 每天可吃2片全麥土司

2. 一周可吃兩次其它澱粉食物(麵條、米食),以不過油為原則。

3. 每周1次獎勵大餐,可以吃任何東西,但吃到8分飽。

4. 每天可吃一份水果(香蕉、葡萄、櫻桃等高糖、高熱量水果不建議)

5. 每周1天,吃純蛋白質食物。 (可參考階段1)

 

第4階段穩定期:恢復正常,一週一日純蛋白質

最後這個階段就可以恢復正常的飲食了,但仍然建議是以少鹽少油的清淡健康食物為主,並且保持每週有1日只吃純蛋白質食物、每日吃3匙燕麥麩,和喝大量的水。當然盡可能保持每日運動,就可以保持身材。

要注意每個人的體質不同,適合的瘦身法也不同,有問題仍要請教專業醫生及營養師。

撰文:婚享會 Bespoke Wedding 編輯部

圖片來源:網上圖片

分類: 
婚禮籌備

【婚禮花球攻略】從身型/禮服配襯花球|最新花球推介:身材嬌小千祈唔好揀…

那個女孩不愛花?由追求到拍拖到婚禮,我諗「花」呢個角色都佔女生心入面一大位置。

喺婚禮上,平均計算,新人都會用上大約三個花球,一個用嚟出門,一個用嚟證婚,一個用嚟拋。但事實究竟幾多個先夠呢?呢邊又話鮮花靚?另一邊又話絲花方便唔使煩,而市面上仲有乾花、保鮮花,應該點揀?唔使騰,NO PROBLEM!姊姊們! 一齊進入簡單版花花世界啦!

籌備婚禮,一開始應該要計劃究竟你想要幾多個花球!如果你有預算,當然可以每個環節都有一個專用花球,但普遍新人都會「一花幾用」,所以花嘅數量絕對取決你用鮮花定絲花!而我自己當日就用左兩個花球,一個鮮花,一個絲花。

 

鮮花 vs 絲花

好多準新娘都會喜歡用鮮花,貪佢夠新鮮,望上去視覺比較靚。但記得留意番鮮花相對要保養、照料嘅時間亦都特別多!如果喜歡鮮花嘅你地,記得請花藝師預早比定鮮花營養液,適時提供鮮花所需嘅水份同養分,婚前一晚亦可以將花放入雪櫃保鮮。而喺 Big day 當日,最好搵一位姊妹全程照顧鮮花,唔需要拎住嘅時候就將佢浸番落水度。千祈唔好放近生果附近!因為生果係鮮花嘅「催熟劑」,想 Keep 得更耐就要好好照顧喇!遠離生果!

 

如果當日新人們rundown 比較趕,冇時間照顧花球嘅話,咁絲花絕對係你嘅好選擇!其實而家好多絲花像真度都非常高,而且花材嘅選擇更加可以超出鮮花嘅「季節限定」,價錢更加親民,新娘子就可以將自己心儀嘅花種請花藝師好好咁呈現出嚟。

 

乾花 vs 保鮮花

近年大興韓風,自然風,所以乾花市場亦應運而生,不少新人喺 Pre wedding 都會用乾花做配襯。若果打算喺 Big day 用乾花做花球,一定要留意乾花嘅特性。因為乾花係將花完全風乾,所以顏色上會啡啡黃黃,亦比較脆弱,大力少少一撳都會”易裂”,所以保存上比鮮花要更為細心。另外亦要留意長輩,特別係四大長老接唔接受到乾花嘅顏色。

幾年前已經聽到保鮮花 / 永生花,或者永不凋謝的鲜花嘅名,見佢地永遠都比個玻璃罩罩住好似不可觸及咁,因為佢地其實真係真花嚟㗎!經過脱水、脱色,跟住烘干、染色等等嘅工序加工而成的花,佢望落喺色澤、形狀、手感上幾乎同鮮花一樣,保存期至少2至3年,所以就叫永生花。不過,由於工序複雜,造價亦比較貴,暫時都未太多新人會選擇嚟做花球,但亦有唔少人會用男朋友求婚送嘅花,拎一支去做永生花嚟紀念呢!

 

揀好花嘅形態後,下一步就係選擇形狀。大家普遍認知,花球以圓形居多,但其實花球嘅形狀都有好多!要知乜嘢花球先係自己The one?新娘的身高、身型絕對係關鍵!

 

1. 圓形花球

經典簡單,結實嘅花束易於保持花球形狀不變,而喺拍攝果陣亦唔使特別遷就花球嘅角度,較適合身型嬌小嘅新娘子。

 

2. 水滴形

外形相對比較歐美。花球嘅拖尾會優美咁慢慢跟住新娘子嘅步伐而喺空中飄揚,古典又高貴!不過拖尾花球形狀較大,適合身型較豐滿的新娘子,令別人看上去感覺較瘦削。但要留意返,拖美嘅花球體積同長度都比其他花球為大,所以身型瘦D同細細粒嘅新娘子就盡量避免選擇呢個款式,或者要同花藝師傾傾,乜嘢嘅長度最適合自己!

 

3. 彎長形花球

所謂彎長形,就係新娘子曲起隻手,輕輕抱住花球嘅姿勢。呢款喺香港相對少見,佢嘅特點就係花球以纖長嘅花莖配合枝葉設計而成,尾部直接露出花莖,跟住用絲帶綁成蝴蝶結。簡單嘅線條美帶出一種時尚感,較適合身型高挑嘅新娘子。

 

4. 小型花球

佢嘅特色就係花嘅數量比其他花球款式相對少,綠葉配素多。花球頂部形狀比較隨性凸起,再以絲帶綁成花束。花莖剪成一致、整齊的長度。呢類花球近年唔少韓式婚禮或者田園婚禮都見唔少!唔少新娘子想個花球傳統得嚟又想特別少少,呢個絕對可入選考慮之列!

 

5. 田園式花束

近年大熱戶外證婚,我自己都唔例外,選擇左喺綠油油嘅草地舉行證婚儀式,所以就將姊妹嘅手捧花變成跟環境融合嘅田園式花束。選材用比較多用綠葉,無特定形態同大小。因為故名思義「田園式花球」就想隨心一D,給人休閒、簡約、隨意嘅感覺。姊姊們都非常喜歡!鐘意田園式嘅新人可以好好考慮呢!

撰文:駐場Blogger - 人妻搜記

圖片來源:駐場Blogger - 人妻搜記、網上圖片

分類: 
婚禮籌備

【買婚戒送餅卡🎁✨身分證號碼定多寡😍婚享會 Bespoke Wedding 「5」週年🎉送東海堂餅卡🍰】

買婚戒送餅卡,身分證號碼定多寡!

今個 10 月,為了慶祝 婚享會 Bespoke Wedding 踏入 5 週年的盛事,今次很榮幸能與長期備受新人愛戴的鑽飾商户榜首——日本最大規模鑽石婚戒專門品牌 I-PRIMO 合作,推出萬眾矚目新人專享 I-PRIMO x 婚享會 Bespoke Wedding「禮遇天成・身份為證 」婚嫁感謝祭。作為本平台5 週年之重頭盛事,送上之賀禮絕對有別於平日婚展的優惠,婚享會 Bespoke Wedding 特意為準備結婚的新人送上囍帖必用的婚慶禮餅券,由身份證號碼的大小決定您婚禮所節省的花費,絕對是近期婚慶界中最震撼之回饋禮遇!

 

參加方法:按此優先登記預約來店

顧客凡透過 婚享會 Bespoke Wedding 平台預約登記出席 I-PRIMO 於10 月 20 日(星期六)及 21 日(星期日)之「禮遇天成・身份為證 」婚嫁感謝祭,除了可享有優惠價,即場選購鑽戒、結婚對戒之顧客,更可獲由 婚享會 Bespoke Wedding 送出,相等於新人身份證號碼中最大 5 個數字總和( *括號內之數字除外 )之 東海堂 港幣 $50 禮餅券。

例如:身份證號碼為 X987654(A) 的朋友,便可獲得 9+8+7+6+5=35張 東海堂$50禮餅劵!

✨此優先禮遇只限 2 天,準備結婚的新人,萬勿錯過!✨

 

I-PRIMO x 婚享會 Bespoke Wedding

「禮遇天成・身份為證 」婚嫁感謝祭詳情:

日期:10 月 20 日(星期六)及 21 日(星期日)

地點:香港 I-PRIMO 全線分店

 

關於 I-PRIMO 品牌簡介

日本最大規模鑽石婚戒專門品牌 I-PRIMO 堅持每只結婚戒指皆在日本專屬訂製延,從材質到作工堅持高品質,精湛作工完成高質感配戴舒適性,受香港新人們喜愛。專人嚴選鑽石,度身訂做的結婚閃耀鑽戒,情定幸福璀璨的挚愛。貼心的完整售後服務,令您們安心配戴一輩子。

關於 I-PRIMO結婚對戒 / 鑽戒系列

專業的 I-PRIMO 諮詢師竭誠提供熱忱服務,誠意協助挑新人選出一生一次最適合彼此的命運婚戒。在神話及星座故事的幸福寓意至 150 款的戒款中,將二人的愛情緊繫於無名指間,祝福著互許終身的愛侶們,幸福甜蜜,一生相隨。

*條款及細則:

  1. I-PRIMO X 婚享會 Bespoke Wedding「禮遇天成・身份為證 」婚嫁感謝祭的舉辦日期是 10 月 20 至 21 日,於香港 I-PRIMO全線分店舉行。
  2. 婚享會 Bespoke Wedding 網上預約登記的日期由 10 月 13 日起至 10 月 19 日下午 11 時 59 分止。
  3. 婚享會 Bespoke Wedding 的客户服務部專員將會於登記後聯絡已登記之參加者,預訂當日的特定時段和分店。
  4. 沒有預先在網上登記的客人,仍可在 10 月 20 至 21 日直接到香港 I-PRIMO 全線分店參加此活動。若當日參加人數眾多,煩請耐心等候。惟仍需要注意活動當日,店家可能未必有充裕的人手應付龐大的人流,若因此令沒有預先在網上登記的客人錯失此優惠,I-PRIMO 及 婚享會 Bespoke Wedding 一概不負責任。
  5. 此優惠適用於 I-PRIMO x 婚享會 Bespoke Wedding「禮遇天成・身份為證 」婚嫁感謝祭 之所有參加者,客人參加此次優惠活動的次數不設上限,每張收據只限使用一張身份證以兌換禮餅卡。
  6. 若東海堂港幣 $50 的禮餅券的貨物供求出現短缺,婚享會 Bespoke Wedding 有機會以同等市值的禮券代替。
  7. 所有優惠不得兌換成現金。
  8. 所有優惠券的換領日期是由 2018 年 11 月 1 日至12月21日,將會由 婚享會 Bespoke Wedding 的客户服務專員個別通知客人有關換領安排,客人需憑換領信到 婚享會 Bespoke Wedding 公司親身領取。
  9. 此活動由 婚享會 Bespoke Wedding ( “本公司” )主辦,唯 婚享會 Bespoke Wedding 並非「 I-PRIMO 鑽戒、結婚對戒 」之供應商戶( 有關商戶 ),本公司概不就有關商戶所提供之產品或服務作出任何保證,或對於使用其服務或產品所構成之後果負責。如對於「 I-PRIMO 鑽戒、結婚對戒 」有任何查詢或意見,請直接與有關商戶聯絡。
  10. 如有任何關於此活動之爭議,婚享會 Bespoke Wedding 及  I-PRIMO  保留最終決定權,並有權修改此活動條款及細則,而不作另行通知。
  11. 個人資料收集聲明:所有參與此活動人士同意,於表格中就參加 “ I-PRIMO x 婚享會 Bespoke Wedding「禮遇天成・身份為證 」婚嫁感謝祭 ” 活動,所收集的個人資料將會轉交至 I-PRIMO。有關個人資料可能被用作處理參加者的要求或查詢、執行商務交易上的條款、向參加者傳送行政資料、用於內部業務和行政目的,或法律、安全或保安目的。參加者需要就必須填寫的欄目提供個人資料。如有關個人資料未能提供,參加者的要求或查詢可能無法被處理。個人資料可被移交給參與履行上述目的的第三方、或法律要求的其他人士。參加者可於( https://www.iprimo.hk/privacy/ )參閱個人資料承讓人類別名單及條款。參加者可以要求存取或要求修改 I-PRIMO 管有的該參加者的個人資料,請透過電郵至( https://www.iprimo.hk/privacy/ )I-PRIMO 個人資料經理以遞交此等要求。
  12. I-PRIMO x 婚享會 Bespoke Wedding「禮遇天成・身份為證 」婚嫁感謝祭 的優惠日期截至 2018 年 10 月 21 日,I-PRIMO 及 婚享會 Bespoke Wedding 會保留最終決定權,此推廣活動受條款及細則約束。
分類: 
婚禮籌備

【婚禮前必讀】挽救4大尷尬婚禮場面|新娘走光常發生、婚宴聽到司儀講錯嘢...

舉辦一場完美的婚禮,是新人們夢寐以求的事。不過參加過婚宴的各位就知,Big Day 當日預咗少不免會發生小插曲。不想令結婚場面在眾目睽睽之下瞬間尷尬,今次編輯綜合曾經經歷過的黑歷史,講講關於新娘新郎4大婚禮禮儀注意事頂,給你們一劑強心劑!

 

1. 新人酒杯空寥寥

年尾特別多婚禮,編輯最近都有去飲,婚禮上,當新娘和新郎合卺交杯後,再同台下全部賓客敬酒,大家一齊嗌乾杯!點知之後司儀宣佈,請各位賓客再次舉杯,原來係因為新人喺合卺交杯時,隊咗成杯,酒杯空寥寥又無人跟進,當時司儀都無發現到。所以就要重新嚟多次,要賓客再次配合,呢個小甩漏令在坐賓客印象深刻。

 

2. 新娘走光常發生

新娘敬酒的禮服萬萬不可失態,建議視乎場地大細再揀款式。如果場地太細,盡量不要選擇拖尾的敬酒,以方便行走。另一點要注意嘅係禮服小心走光。曾經有男性朋友就話第時結婚,唔會畀老婆著得太性感,只因見過太多次新娘子敬酒時意外走光,尤其是V領Lace,同三姑六婆敬酒鞠躬易失手。近年興著側門大開的婚紗,舉杯飲酒易出事!



3. 拋花球拋得最好睇係…

拋花球嘅相好唔好睇,好講新娘嘅姿勢正唔正確。如果是雙手持花,正確係要將花球放在肚臍的位置,肩膀放鬆,握花嘅手掌彎曲。如果係單手持花,應該以左手拿住花球,右手稍做襯托,給人怡然舒適、自信穩重的感覺。


4. 婚禮司儀易出事

婚禮司儀唔易做,既要壓場又要有氣氛,而且識得收放自如好重要!到嗰日千祈唔好太HIGH,搞到乜都講出口,衝口而出真係覆水難收。例如:「相信大家都等到好肚餓架嘞,我地有請今日嘅主角「乳豬出場」!」、「跟住落嚟就係今晩最重要嘅環節,上菜!!」這些說話令新人情何以堪。錯口講出「下次再與大家見面」,亦可以「補鑊」說是「百日宴」再見。而對參加的賓客也要少講「無謂嘅說話」,例如:「今日開唔開心」、「大家食得飽唔飽」、「啲嘢好唔好食」等,這類問題最好省略不問。

 

撰文:May

圖片來源:網上圖片

分類: 
婚禮籌備

【讓結婚加分的3個小細節】 婚禮準備事項 避開地雷和尷尬|一定會出現 Out Of The List 嘅人物

婚禮前一個又一個Excel檔,咩Budget plan呀、To do list呀、當日Rundown、影相list等等...相信新人們已經見慣不怪。但往往幾努力去籌備,大日子總會有意想不到嘅亂子出現!究竟有乜野事我地喺之前可以處理得好啲,令到當日嘅混亂同尷尬可以盡量減低呢?新人們!Check it out!

 

1. Big Day當日,兄弟姊妹無得坐又無得食?

喺大日子前,我已經向酒樓Book定左一圍枱比兄弟姊妹以及化妝師,攝影師等人用Lunch。因為我證婚嘅地點係酒樓附近,所以我喺出門後、入門前,就已經先請部份兄弟姊妹先到酒樓食Lunch,佢哋先嚟先食定嘢,等另一批兄弟姊妹同工作人員嚟到,佢地就去證婚地點幫忙佈置,我諗住「咁精密嘅計劃!仲唔掂?」點之問題就出現喇!!!

當我去到酒樓,就即時畀媽咪話我安排得好差!原來大家都無位坐!事源女家帶埋幾位女家嘅親戚朋友嚟咗,而男家又突然多咗幾位唔識嘅朋友一齊嚟,最後要姊妹即場Book多兩圍先啱啱好夠坐,最慘係伴娘又無得食,除左不停抱歉之外,我都唔知講啲乜....

貼士:

務必喺婚前問清楚哂屋企人究竟幾多個會嚟酒樓一齊食Lunch,原理就好似夜晚擺酒嘅座位表一樣,如果唔係到時你眼望我眼真係尷尬到暈。另外,如果酒樓方便嘅,可預先Order食物,以方便兄弟姊妹及工作人員用餐。

 

2. 敬酒環節,敬極都未敬完?

我知道好多新人都好醒目,喺婚前已經做好敬茶LIST,但往往喺大日子當日,最易出事嘅就係敬茶環節,因為敬茶人物Out Of The List!好似我婚前一日,已經再次同四大長老夾好敬茶List,但喺大婚當日,名單上有名嘅又遲到,無名嘅又因為奶奶突然話要敬老人家,媽咪又話有個長輩買咗金器所以要敬,結果開席時間遲完又遲,同賓客互動嘅時間更加係零。

 

貼士:

不厭其煩地同四大長老夾敬茶名單!禮貌地設定Deadline,請需要敬茶既長輩喺Deadline前完成儀式。請父母同兄弟姊妹或MC好好溝通,如當日知道有Out Of The List長輩一定需要敬茶,就要計算好時間,以免錯失與賓客交流機會,呢個真係一世遺憾嚟㗎!

 

3. 酒席上,點解我無位坐?

座位表對我嚟講,肯定就係搞婚禮最複雜嘅一環!爸爸會話XX親戚又唔可以同ZZ親戚一齊坐,老公又會講A朋友想同B朋友坐... 最後,我喺大日子前用咗2星期砌個座位表出嚟,亦因為我擺酒嘅地方有一個大嘅電子屏幕,我就諗住將座位表電子化,等大家嚟到用手指Touch下就知自己坐邊。點知响我準備Match in嘅時候, 見到堂家姐抱住BB,推住架車企左响Reception同我講話佢無位坐,話原來佢原本坐既位置已經坐爆人,而當時兄弟姊妹又要忙住同我地一齊跳舞Match in,所以無人幫到佢Check。果刻我真係極度唔好意思!後尾我先知原來好多親戚朋友係唔識用屏幕睇,咁岩我地全部人又行開哂,所以大家就隨便坐。

 

貼士:

就算而家好多酒店或者擺酒嘅地方都有提供電子座位表都好,新人們記得一定要印定一個Hard Copy喺Reception!如果入席前嘅高峰時段,點都請最少一個兄弟、姊妹或者兩邊嘅其中一位屋企人長駐Reception,幫忙招呼同帶位!唔好好似我地咁令大家感覺招呼不周!

 

4. 點解你有泊車優惠但我又冇?

我擺酒嘅酒店有免費泊車優惠,總共36個鐘,其實我同老公事前已經分別問咗男女主家有幾多人會揸車嚟,分別安排幾多個鐘。喺結婚當晚,我地亦安排咗兄弟姊妹逐圍問邊位賓客有揸車,係散席前就派發泊車卷,但係可能大家果晚太開心,一知道有免費泊車就一窩蜂衝向兄弟姊妹度拎,根本係完全唔夠分!而奶奶最後唔想得失賓客,亦自己比錢出嚟包咗其他客人嘅車費。

 

貼士:

我覺得呢啲情況真係比較尷尬,畀又唔係、唔畀又唔係,所以大家一定要揸緊自己嘅底線,只派比兩家事前默許咗嘅人,其他唯有禮貌地解釋車卷已派完!如果唔係,大家真係多多都唔夠畀!

撰文:駐場Blogger - 人妻搜記

圖片來源:駐場Blogger - 人妻搜記

分類: 
婚禮籌備

頁面