天澄閣嘅會場我好中意，最吸我哋嘅係佢哋冇柱，又係長方形，屬於場地空間比較闊落，成個環境好靚，加上我都有上網搵過啲評語嚟睇，都話幾好，價錢又合理，所以對佢哋更加有信心。👍 去睇場嗰陣，就係店長接待我哋，我都feel到店長識得好多嘢，好多問題佢都可以即刻答到我。咁啱當時有新人book咗，所以啲同事就set緊啲嘢，店長都有帶我哋過去望一望，即場俾我哋睇實際場景，我哋都覺得好靚，成個setting都好舒服。我哋都有個概念知道我哋會點擺。

店長嘅服務非常好，就算佢day off 都會安排經理follow我哋，每次有嘢搵佢哋，同事都會好快答我，唔會因為我唔係under佢哋見到問題就推，每位同事都好老實，會企喺新人嘅角度去諗，好願意俾啲意見我哋，唔會好商業化，淨係同新人講錢，呢方面我覺得好好，令我覺得成條team都好有人情味。❤️ 我哋事前有傾過rundown，店長都幫我安排得好好，大概交代好我哋點行啲流程，就連bigday要點入場都會教我哋。

Bigday當日，天澄閣都會提早交場俾我哋可以setting好啲嘢，時間上都好充足，我哋都唔會覺得好趕。嗰日都會安排一位女同事跟住我，佢都好幫得手，會幫我記得好多嘢，跟住提醒返我，又會幫我攞住條裙，影相嗰陣又會幫我整理好條裙，仲會好有技巧咁俾啲指引我哋下一步要點做。至於食物方面，大部分賓客都話好好食❣️，連炒蔬菜都好好味，menu方面天澄閣都係提早安排好啲菜式俾我哋過目，每道菜上枱前都會俾新郎試吓嗰味先，確保冇問題先俾啲親戚朋友食，我覺得都幾好，又好重視新人嘅諗法。

成場婚禮都好順利，除咗Mic有少少問題，MC同新郎把聲都唔入麥，我唔知係唔係佢哋冇對好嘴嘅位置。其他嘢我都好滿意，尤其店長真係好好，好貼心，未到入場嗰陣，佢會攞好張凳俾我哋坐低先，我一話要飲水都會即刻攞俾我哋，反應好快，分擔咗我哋好多煩惱😚！

我鍾意天澄閣個樓底夠高，價錢都幾合理，睇過啲評語話佢哋服務態度幾好🥰。嗰陣時我都有問過啲攝影師意見，佢哋一聽到係天澄閣，都話幾好👍同啲嘢食好好食， 所以對佢哋幾有信心💯。我自己有特登去天澄閣飲茶，feel到佢哋嘅職員係比較主動同多😆。同事Terry回覆得好快，係即日回覆嗰隻，而且好多問題天澄閣都答到我哋，睇得出佢哋好有經驗💕。同事都有簡單咁樣講一次成個婚宴嘅流程，我哋都有按照佢嘅意見去修改我哋個流程。 成個場地都係好光猛同埋整齊乾淨🌟。

當日我哋都有足夠嘅時間去set場。同事都知我哋冇乜時間食嘢，都會主動pack好啲嘢食俾我哋走嗰陣時拎走， 嗰日跟住我嘅同事都好細心幫我整個裙尾❣️。 我哋之前都擔心會好趕，但嗰日真係好順利，但場地嘅音樂可以大聲少少，同埋我哋淨低好多酒，但係賓客話後尾同事同佢哋講冇曬酒，可能溝通上要做得好啲！因為我先生個襟花淨係攝入去個衫袋，冇扣實到，所以跌咗出嚟。佢哋幫先生用咗卡紙扣住個襟花就會好啲🥰，佢哋都好細心💖， 諗辦法幫我哋解決一啲問題。喺一啲細節上佢哋會叫我哋跟住佢哋做就可以，所以我覺得好安心， 同冇咁驚🥳。整體都好滿意，同埋相處上都好舒服，唔會好拘謹😝。