自零七年起，為過千對新人提供婚禮佈置服務的梁品製作，憑藉著獨立而創新的設計意念，以及對製作過程一絲不苟的專業精神，獲得客戶及業內人仕的一致認同。於2013年，梁品製作榮獲著名婚禮雜誌頒發新晉場地佈置大獎，成績有目共睹。
除此之外，我們亦提供展覽佈置、廣告設計、室內設計及花卉園境佈置等等服務。 我們在尖沙咀設有鋪面，方便顧客索取資料及進行洽談。另一方面，在葵涌區亦自設過萬呎廠房，引進先進設備專誠為你服務。
除此之外，我們也十分重視員工質素，多達數十人的專業木工、美工及花卉團隊，每一位員工對臨場安裝時間有嚴格控制，合作無間，並且熟練每一個場地的特色。 如果你著重高質素的服務，進求創新及華麗的場地佈置，梁品製作是你最好的選擇。
AWARDS
聯絡商戶
我本身就搵緊Decoration公司，就發現網上好多Deco公司推出嘅配套都係一式一样嘅模版，入邊啲service都係差唔多，偶然間我嘅Wedding Planner就介紹咗梁品制作俾我，我就見到梁品制作嘅公司理念都唔錯，最緊要係梁品制作係以新人嘅諗法為先，配套亦都係根據新人嘅需求去做調整，比較flexible，所以我哋就揀咗梁品制作。🥳
起draft之前，同事會先了解我哋想要嘅形式同要求。同事嘅態度都非常friendly，成個溝通過程係好舒服嘅，而且無論我幾時message佢哋，佢哋都會好快on time回覆我，呢方面我好滿意，比起其他公司，梁品制作嘅態度更加積極。👍🏻我哋本身已經好明確知道我哋想要嘅效果同埋 design，所以同事就會俾啲意見我哋，我覺得佢哋都好有經驗，好快就已經get到曬我嘅要求，第一次出嘅draft基本上已經好prefect 🤩 ，傾完之後都有再做少少修改。全程啲同事都冇唔耐煩，反而好快手咁幫我再修改。
最後我哋就整咗個大backdrop，仲有幾個類似photobooth嘅deco同埋reception嘅deco都交曬俾佢哋。我哋嘅會場其實就有條橋喺隔離，同事都有建議我哋不如加多個酒corner同埋少少deco，出嚟嘅效果會靚啲，完全感覺到佢哋好用心為我哋着想，唔係淨係跟住個draft行。 婚禮當日，佢哋好早就到咗場地set up好啲嘢，又會一直通知我哋啲deco進度，做嘢屬於穩陣派，令人可以好放心交俾佢哋，所以成日都好smooth。啲親戚朋友都一直讚我哋嘅deco好靚，話喺其他婚禮都未必見到，好特别。💕 我本身就最鐘意條橋嘅deco，非常靚，deco嘅顏色同埋風格都十分襯！❣️ 成品出嚟嘅效果都好靚，唔會有太大落差，還原度好高，效果都比我想象中仲好，非常開心。😜講真，梁品製作嘅同事都非常專業，喺好多方面都可以俾到好多suggestion，而且佢哋做過好多間場地，所以對於場地非常了解，就知道有啲位置嘅backdrop可以擺幾高，或者場地環境係可以點擺會比較match，比較慳位啊，呢啲好細微嘅情况都會同我哋提及！
我喺迪士尼酒店度擺酒，就透過佢哋嘅介紹之下認識到梁品製作，發現梁品製作 Photo Gallery 嘅設計好靚，好陽光，望落去第一眼就好合我眼緣。比較過幾間公司之後，我同太太都覺得梁品製作嘅配套價錢係最實惠嘅，又好公道，唔似出邊啲deco一嚟開價就好高，再加上當時serve我哋嘅同事又好好，所以我哋就約咗時間傾。👍🏻 我哋本身就有上去office傾返啲細節嘅，我其實諗好曬我要嘅主題同埋風格，佢哋都表示可以滿足到我嘅要求，做到我想要嘅效果，而且仲會advice我哋一啲我哋冇諗到嘅idea，聽得出佢哋對自己本身嘅作品都好有要求，我都好放心交俾佢哋團隊去負責。後期我哋都有用WhatsApp嚟溝通嘅，主要負責我哋嘅都一樣係 Sabrina ，佢非常專業，當我哋提出好多疑惑或者要求嘅時候， Sabrina都會先記錄低，再幫我哋調整，非常重視我哋，同佢哋溝通都好舒服 。❤️
基本上我哋成個婚禮嘅setup都係同梁品製作落訂咗，一次過交曬俾佢哋，我就唔使煩咁多啦。本身我哋就已經諗好啲主題，所以我啲就著呢個方向搵啲相俾梁品製作作為參考，佢哋同事會根據我嘅要求設計啲draft俾我哋睇。其實佢哋第一次交出嚟嘅draft都已經好靚，但係我同太太就比較有要求，所以好多好細節位都會要求同事再幫我改，咁佢哋都好好，盡量滿足返我哋嘅要求。雖然前前後都改咗無限次，之不過同事依然仲好有耐心，感受到佢哋係以我嘅諗法為先，會改到新人滿意為止，非常盡心盡力 💯 最後定好啲設計之後，佢哋都好有交代，會主動update我所有嘢嘅進度，不過其實已經準備好曬啲嘢，臨時我同太太就想喺顏色方面再加少少嘢，同事都好好，幫我哋再改，無論幾夜都好，都會覆我message 。而且本身我哋嘅package係包 8 fit photo gallery，佢哋同事就考慮到9 fit比較啱我哋婚禮多啲，所以就免費upgrade俾我哋，仲要係完全冇話要收額外收費，我哋真係覺得好驚喜 ！❤️
Big day當日，佢哋好快手，喺婚禮開始之前已經setup好曬啲嘢，整出嚟嘅效果真係好靚，睇得出佢哋有吸收到我哋嘅意見，成個效果，所有嘢都好好，好多元素之餘又唔會顯得好老套好假，影出嚟嘅效果又好有feel ~~🤩 簡直係還原返個draft ！❤️ 而且我哋除咗deco之外，手捧花都係梁品製作負責幫我太太整，呢方面太太都好鐘意，嗰size同顏色都襯得啱啱好，攞上手唔會覺得攰，望落又唔會好小氣，超級犀利 🤩 成個婚禮嘅process都好smooth， 同佢哋同事嘅相處都好愉快，每次嘅update都感覺到佢哋好俾心機做好呢份工作，擺150%嘅心思，可以令我哋完全放曬心交俾佢哋，而且梁品製作嘅團隊好熟悉酒店嘅運作，會提醒我哋可能會遇到啲乜情况，交通方面亦都唔會再charge我哋，因為出邊好多公司都會額外收費嘅，呢點我覺得好窩心，真係以客為主，最重要客人開心 。👍🏻 梁品製作無論係服務態度或者作品我哋都十分滿意，加上梁品製作對於配套嘅彈性度係非常高嘅，即使佢哋有啲定好咗嘅policy，好多方面都可以根據新人嘅需求修改，令我非常Impressive。如果有朋友結婚，或者有乜event要搵deco公司，我一定會推介返梁品製作。